काठमाडौं साउन ६ गते ।
चीनको खासा क्षेत्रमा रहेको केरुङ च्छो तालमा अत्याधिक पानी भरिएकाले फुट्न सक्ने सम्भावना रहेको भन्दै भोटेकोशी नदी छेउका बस्ती छाड्न भनिएको छ । चिनियाँ पक्षले नेपाललाई यसबारे जानकारी गराएपछि भोटेकोशी नदीमा आकस्मिक रुपमा पानीको बहाब अत्याधिक बढ्ने खतरा औल्याइएको हो ।
ताल फुटेमा भोटेकोशीले नदीका धेरै बस्ती बगाउनसक्ने छ । यसले ठुलो क्षति पुर्याउने भन्दै जिल्ला प्रशासन कार्यालय ललितपुरले प्रेस बिज्ञपति जारी गरेको छ । जिल्ला प्रशासन कार्यलय सिन्धुपाल्चोकले बिज्ञप्तिमा भनेको छ, ‘भोटेकोशी नदी किनारका बस्तीका सर्वसाधारणलाई तत्काल उक्त क्षेत्र छोडी सुरक्षित ठाउँमा जाने व्यवस्था मिलाउन सम्बन्धित स्थानीय तहहरु, सरोकारवाला संघसंस्था व्यक्तिहरु र सर्वसाधारण जनसमुदायहरुलाई अनुरोध गरेको छ।’
यसअघि भोटेकोशीको बहाब बढ्दो दर्जनौ मानिसको मृत्यु हुनाको साथै त्यति नै संख्यामा मानिसहरु वेपत्ता भएका छन् ।त्यसैले जोखिम क्षेत्रका बस्तिका बासिन्दालाई बस्ती छोढ्न भन्दै प्रेस बिज्ञपति मार्फत सबैलाई सतर्क रहन अपिल गरिएको छ। फाइल फोटो
Discussion about this post