बाँके साउन ९ गते ।
केही दिन यता हाम्रो पार्टी नेपाल कम्युनिष्ट पार्टी (नेकपा)का स्थायी समिति सदस्य जनार्दन शर्मा ‘प्रभाकर’ का बारेमा विभिन्न सञ्चार माध्यममा प्रकाशित/प्रसारित समाचारप्रति ध्यानाकर्षण भएको छ ,भन्दै नेकपा अध्यक्ष पुष्पकमल दाहाल प्रचण्डका निजि सचिवालय प्रेस संयोजक बिष्णु सापकोटा ‘जुगल’ले प्रेस बिज्ञप्ति मार्फत उल्लेख गरेका छन् ।
आन्तरिक वैचारिक बहसहरु एक जीवन्त पार्टीका विशेषताहरु हुन् । तिनै बहसका सम्बन्धमा मिडियामार्फत नेताहरुमाथि लगाइने आरोप र दुष्प्रचार निन्दनीय भएको कुरा बिज्ञप्तिमा उल्लेख गरिएको छ।
पार्टी एकतादेखि आजसम्मको काममा कमरेड प्रभाकरले अध्यक्ष कमरेड प्रचण्डलाई सहयोग गर्दै आएको कुरा विदितै छ ।
अहिलेको पार्टी भित्रको आन्तरिक बहसमा पनि उनि पार्टी एकताका पक्षमा लागिरहेका छन् । कमरेड प्रभाकरमाथि अध्यक्ष कमरेड प्रचण्डसँग जोडेर गरिएका भ्रामक प्रचारहरुलाई खारेज गर्दछौं भन्दै जुगलले बिज्ञप्तिममा उल्लेख गरेका छन् ।
.
Discussion about this post