नेपालगन्जमा कोरोनाको जोखिम छैन र ?

जावेद अन्सारी
बाँके साउन १० गते ।
लकडाउन खुलेसँगै कोरोनाको जोखिम हटेको हो ? धेरैले भन्छन् लकडाउन छैन अव कोरोना पनि सकियो । नेपालगन्जमा पनि कोरोनाको जोखिम टरेको भन्नठान्नेहरु धेरै छन् । नत्र नगरमा मास्क विना हिड्नेहरुको संख्या बजारमा उस्तै छ । ठेलमठेल भीड पनि उस्तै छ । चाडपर्व आउन सुरु भएसँगै बजारमा चहलपहल ह्वात्तै बढेको छ । न मास्क न त सामाजिक दुरी ।

मुख्य चोक बाटोहरुमा मास्क लगाउन प्रहरीले प्रेरित गरेपनि प्रहरीको पहुँचभन्दा बाहिर यस्को वास्ता छैन् । नेपालगन्जमा दैनिकजस्तो कोरोना भाइरस संक्रमण देखिरहँदा पनि पूर्व सावधानी खासै देखिएको छैन् । रयान्डम्ली गरिएको स्याम्पलिङमा क्वारेन्टिनमा नबसेका र यात्रा विवरण नभएका व्यक्तिमै कोरोना देखिएकाले समुदायस्तरमै फैलिएको आंशका समेत गरिएको छ । तर पनि मानिसहरु कोरोना भाइरस संक्रमणको जोखिम नै नभए झै गरी बजारमा सचेतनाविना हिडिरहेका छन् ।

कोरोनासंक्रमण कसरी हुन्छ र संक्रमण हुनबाट कसरी बाच्ने भन्ने बारेमा धेरैलार्य थाहा पनि छ । तर त्यसलाई व्यवहारमा लागू गर्न नसक्दा जोखिम बढेको स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिनुभयो । सरकारले यसभन्दा अघि मुख्यरुपमा भारत लगायत अन्य देशबाट नेपाल प्रवेश गर्नेलाई कोरोनापरीक्षणको दायरामा ल्याउने काम ग¥यो ।

अहिले पनि मुख्य रुपमा विदेशबाट स्वादेश फर्किनेलाई नै प्राथमिकता दिएर परीक्षण गरेको छ । अब विदेशबाट स्वदेश आउनेको संख्या कम हुँदै गएको छ । तर लकडाउनको अन्त्यसँगै भारत लगायत तेस्रो मुलुकबाट आएका मानिस चलायमान हुन थालेका छन् ।