बाँके साउन १३ गते ।
नेपालगञ्जको कारकादौंमा मंगलबाररातीदेखि हाईमाष्ट जलेको छ । नेपालगञ्ज उप–महानगरपालिकाका वडा नम्बर १८ का वडा अध्यक्ष दिपक वर्माको पहलकदमीमा हाईमाष्ट लाईट जडान सम्पन्न भएको छ ।
काम सुरु भएको केही दिनमै हाईमाष्ट जडान सम्पन्न भएको हो । वडा कार्यालयको १६ लाख रुपियाको लागतमा कारकादौं चोक र एसके पेट्रोल पम्प नजिक हाईमाष्ट लाईट जडान भएको वडा सदस्य दीपक ढुंगानाले जानकारी दिनुभयो ।
हाईमाष्ट लाईटको उद्घाटन गर्दै वडा अध्यक्ष वर्माले सडक डिभिजन कार्यालय र विद्युत केन्द्रसँग समन्वय गरि हाईमाष्टलाईट जडान गर्न सफल भएको जानकारी दिनुभयो ।
नेपालगञ्जको विपी चोकपछि हाईमाष्ट जडान हुने कारकादौं दोश्रो चोक भएको छ । घटना वस्ती भएको क्षेत्र भएकाले रातीको समयमा सर्वसाधारणलाई सहज हुने अपेक्षा गरिएको छ , वडा अध्यक्ष वर्माले भन्नुभयो,– विस्तारै वडाका अन्य चोकमा पनि हाईमाष्टलाईट जडान गरिनेछ ।
वडा अध्यक्ष वर्माले वडा कार्यालयले वडाबासीको माग अनुसार विकास निर्माण कार्यलाई प्राथमिकता दिदै आएको बताउनुभयो । वडाभित्र सडक र नाली तथा अन्य काम निरन्तर भईरहेको उहाँको भनाई छ ।
Discussion about this post