बाँके साउन ३१ गते ।
भोलि देखि कोहलपुरमा सबै सेवा बन्द गर्ने निर्णयप्रति कोहलपुर उद्योग वाणिज्य संघले बिरोध जनाउदै कोहलपुर नगर क्षेत्रमा लागु गरिएको लकडाउन मान्न नसकीने जनाएको छ । नगरपालिकाले भोली (आईतबार) देखी लागु गर्न लागेको लकडाउनको निर्णयप्रति असहमति जनाउँदै उद्योग वाणिज्य संघले ध्यानाकर्षण पत्र मार्फत लकडाउनको घोर भत्सर्ना गरेको छ ।
शनिबार सम्पन्न वाणिज्य संघको बैठकले ७ बुँदे ध्यानाकर्षण पत्र सार्वजनिक गरेको छ । जसमा बाँकेको नेपालगन्ज लगाएतका क्षेत्र क्षेत्र खुल्ला रहँदा कोहलपुरमा लकडाउन लगाउन नहुने बताईएको छ ।
बिभिन्न सरकारी तथा निजि क्षेत्रको निर्माण कार्य सुचारु रहेको, अटोरिक्सा, मोटरसाईक्ल तथा साना सवारी साधन संचालनमा रहेको, नेपाली महिलाहरुको चाड तिज आउँदै गरेको र ब्यापारीहरुलाई बैंक ब्याज, घर बाहल कर र ब्यवसायीक करमा स्थानिय सरकारबाट कुनै राहत उपलब्ध नभएकाले नगरपालिकाद्धारा जारी लकडाउनप्रति वाणिज्य संघको असहमती रहेको ध्यानाकर्षण पत्रमा बताईएको छ ।
साथै ध्यानाकर्षण पत्रमा उल्लेख भएका विषयहरु पूर्ण रुपमा कार्यान्वयन नभए भाद्र १ गतेदेखी पूर्ण रुपमा ब्यापार ब्यवसाय संचालन गर्ने चेतावनी समेत दिईएको छ । पत्रमा नेपालगन्ज खुलै रहदा कोहलपुरमा झन जोखिम बढ्ने बरु पुर्ण रुपमा सावधानी अपनाएर पसल खोल्न पाउनु पर्ने कुरा ध्यानाकर्षण पत्रमा उल्लेख रहेको छ।
Discussion about this post