बाँके भदौ २ गते ।
बाँकेमा छ जना प्रहरी र सात जना थुनुवा कोरोना मुक्त भएका छन् । साउन २० गते जिल्ला कारागार नेपालगन्जका सात जना थुनुवा र वडा प्रहरी कार्यालय नेपालगन्जका छ जना प्रहरीलाई कोरोना पुष्टि भएको थियो ।
उनीहरुलाई खजुराको कृषि तालिम केन्द्रको आइसोलेसन सेन्टरमा राखिएको थियो । जिल्ला स्वास्थ्य कार्यालय बाँकेले दिएको जानकारी अनुसार, उनीहरु आज डिस्चार्ज भएका हुन् ।
योसँगै बाँकेमा भाइरस जितेर घर फर्किनेको संख्या चारसय ६८ पुगेको छ । बाँकेमा कुल संक्रमितको संख्या सात सय ७४ पुगेको छ । अहिलेसम्म बाँकेमा कोरोना संक्रमणबाट चारजनाको मृत्यु भइसकेको छ ।
ADVERTISEMENT
Discussion about this post