बाँके भदौ ४ गते ।
बाँकेमा थप ५१ जनालाई आजै डिस्चार्ज गर्न लागिएको छ । भोली हरितालिका तीज परेका कारण उनीहरुलाई एकदिन अगावै आइसोलेसन सेन्टरबाट डिस्चार्जबाट डिस्चार्ज गरेर घर पठाउन लागिएको हो ।
चिन्ह लक्षण नदेखिएका संक्रमितलाई चिकित्सकहरुको सल्लाह अनुसार थप १ दिन गरि स्वास्थ्यकर्मीको निगरानमा ८ दिन होमआइसोलेसनमा रहने गरि आज साँझसम्म डिस्चार्ज गर्न लागिएको जिल्ला स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिनुभयो ।
आज साँझ डिस्चार्ज हुनेको सूचिमा व्यापारी नेता कृष्णप्रसाद श्रेष्ठ, युवा नेता हुकुम केसी, पत्रकार खगेन्द्र दाहालसम्म छन् । मापदण्ड अनुसार १४ दिन आइसोलेसन बस्नु पर्ने हो । तर पहुँचका आधारमा केहीले मापदण्ड पूरा नगरि घर फर्किएपछि आइसोलेसनमा बसेकाहरुले सम्बद्धहरुलाई दवाव दिदै आएका थिए ।
त्यही दवाव झेल्न नसकेर चिकित्सकको सुझाव अनुसार उनीहरुलाइ एक दिन अगावै थप एक दिन होम आइसोलेसन बस्नेगरी घर पठाउन लागिएको हो । यसअघि बाँकेमा आज विहानमात्र २८ जना डिस्चार्ज भएका थिए ।
बाँकेमा कोरोना जितेर घर फर्किनेको संख्या चारसय ९६ पुगेको छ । पछिल्लो पटक डिस्चार्ज हुने ५१ जनाको संख्या जोड्दा पाँच सय ४७ पुग्ने छ । बाँकेमा कुल संक्रमितको संख्या सात सय ६३ पुगेको छ । अहिलेसम्म चारजनाको मृत्यु भएको छ ।
Discussion about this post