एजेन्सी
काठमाडौं भदौ १६ गते ।
अमेरिकामा कोरोना भाइरस संक्रमितको संख्या ६० लाख नाघेको छ। जोन्स हप्किन्स विश्वविद्यालयले जारी गरेको तथ्यांकअनुसार त्यो विश्वभर पुष्टि भएका कुल संक्रमितको संख्यामा झण्डै एक चौथाइ हो । अमेरिकामा दश लाख संक्रमित एक महिनाभन्दा कम समयमा थपिएको विवरणहरूमा देखिन्छ ।
पछिल्ला दिनमा दैनिक वृद्धिका घटना घट्दोक्रममा देखिए पनि अमेरिका संक्रमित र मृत्यु दुवैतर्फ विश्वको सबैभन्दा धेरै प्रभावित देशको रूपमा छ। विश्वमा पुष्टि भएका संक्रमितको संख्या साढे दुई करोड नाघ्दा कोभिड(१९ भएर ज्यान गुमाउनेको संख्या आठ लाख ४६ हजारभन्दा बढी पुगेको छ ।
यसैबीच विश्व स्वास्थ्य संगठन (डब्ल्यूएचओ) ले कतिपय खोपहरूलाई आपत्कालीन अवस्थाका लागि अनुमति दिइएकोमा एउटा चेतावनी दिँदै त्यसप्रति निकै धेरै गम्भीरता र भावना आवश्यक पर्ने जनाएको छ । डब्ल्यूएचओकी प्रमुख वैज्ञानिक सोम्या स्वामिनाथनले हरेक देशसँग पूरा परीक्षणविनै औषधि स्वीकृति गर्ने अधिकार भए पनि त्यो हलुका रूपले गर्ने विषय नभएको जनाएकी छन् ।
उक्त राष्ट्रसङ्घीय स्वास्थ्य निकायकाअनुसार यतिखेर सम्भावित ३३ वटा खोप मानव परिक्षणका लागि अगाडि बढिरहेका छन् । र थप १४३ वटा मानव परीक्षण गर्नुअघिका मूल्याङ्कनका क्रममा छन्य रोपमा यो साता बालबालिकाहरू स्कूल जाने तयारी गरिरहँदा यूके, फ्रान्स र स्पेनमा भने आइतवारको तुलनामा संक्रमण दर घटेको छ ।
Discussion about this post