काठमाडौँ असोज ३ गते ।
प्रधानमन्त्री केपी शर्मा ओलीले भ्रष्टाचार गर्न निदने र भ्रष्टाचार विरुद्ध बोल्दा ‘मुखमा पानी नहाल्ने’ बताएका छन् । उनले महामारीका कारण प्रतिवद्धता पुरा नभएपनि निराश हुने अवस्था नभएको पनि बताए । संविधान दिवसको अवसरमा टुँडिखेलमा भएको विशेष कार्यक्रममार्फत राष्ट्रका नाममा सम्बोधन गर्दै कोभिड–१९ को महामारीका कारण विश्वका अधिकांश देशमा अर्थतन्त्र नरात्मक हुँदा पनि नेपालको अर्थतन्त्र सकारात्मक नै रहेको बताएका हुन् ।
संकटको अवस्थामा पनि विदेशी दातृ निकायको सहयोग प्राप्त हुने क्रम बढेको पनि उनले बताएका छन् । महामारीको अवस्था नभएको भए आफूले अघिल्लो वर्ष गरेका प्रतिवद्धता अनुसारका विकासका काम भइ सक्ने भन्दै उनले रोकिएको विकास वा सुस्त भएको विकास गतिको दोष कोरोना महामारीलाई दिएका छन् ।महामारी नियन्त्रणको प्रयासमा सरकारी प्रयास राम्रो रहेको दाबी पनि प्रधानमन्त्री ओलीले सम्बोधन मार्फत गरेका छन् । सुरुमा विश्व समुदाय नै अलमलमा परेको र वैज्ञानिकहरु पनि यकिन भन्न सक्ने अवस्थामा नरहेको कुरा उल्लेख गर्दै उनले अहिले परीक्षणको दायरा फराकिलो बनाएको, आइसीयूको संख्या बढाएको तथा स्वास्थ्य सामग्री आवश्यक मात्रामा उपलब्ध गराएको बताए । उनले लिपुलेक–लिम्पियाधुरा–कालापानीसहितको क्षेत्र समेटिएको नयाँ नक्सा सार्वजनिक गरिएको र त्यसबाट सार्वभौमसत्ताको सुरक्षाका लागि आफ्नो सरकारको प्रतिवद्धतालाई कार्यमा देखाएको बताए । उनले सो कार्यका लागि सांसदहरुलाई पनि बधाई दिए ।लोकतन्त्र र प्रजातन्त्रको रक्षाका लागि प्रतिवघ रहेको बताएका उनले सञ्चारमाध्यमले तथ्य परक समाचार दिएर परिवर्तनको यात्रामा व्यवासयिकता प्रदर्शन गर्न आग्रह गरे । आलोचकहरुले आलोचनाका लागि मत्रै आलोचना गर्ने गरेको आरोप पनि उनले लगाएका छन्।भ्रष्टाचार विरुद्ध आफ्नो सरकारको प्रतिवद्धता स्पष्ट रहेको उनले बताएका छन् ।
Discussion about this post