खोजखबर संवाददाता
बाँके भदौ १८ गते । नेपालगञ्जबाट दैलेख लैजाने क्रममा सुर्खेतमा मारिएका गाईहरुको आत्माको शान्तिको कामना गर्दै समाजवादी पार्टी बाँकेले बुधवार श्रद्धाञ्जलीसभाको आयोजना गरेको छ ।
नेपालगन्जस्थित त्रिभुवन चोकमा आयोजना गरिएको श्रद्धाञ्जलीसभामा समाजवादी पार्टी बाकेका नेता कार्यकर्ताको उल्लेख्य सहभागिता रहेको थियो ।
गाईको आत्मालाई शान्तिको कामना गर्दै एक मिनेट मौन धारण गरेर शुरु गरिएको सो कार्यक्रममा श्रद्धाञ्जली स्वरुप ५१ वटा दियो बालिएको थियो ।
समाजवादी पार्टी नेपालगन्ज नगर समितिका अध्यक्ष श्रवण यादवको सभापतित्वमा आयोजना गरिएको सो कार्यक्रममा बोल्दै नगर अध्यक्ष यादवले हचुवा पारामा गाईलाई रातारात सुर्खेत पठाएर भिरबाट खसालेर फालिएको घट्नाको जति निन्दा गरेपनि कम हुने बताउनु भयो ।
उहाँले सो घट्नाको छानविन गृह मन्त्रालयको टोलीले गरिरहेको जनाउँदै निष्पक्ष छानविन गरेर दोषी जो कोही भभएपनि कारवाही गर्नु पर्ने माग गर्नु भयो ।
उहाँले गौ हत्याको निष्पक्ष छानविन गरिएन र दोषीलाई कारवाही भएन भने समाजवादी पार्टीले कडा आन्दोलन गर्नेृ चेतावनी पनि दिनु भयो ।
समाजवादी पार्टी बाँकेका उपाध्यक्ष राजन राना मगरले संचालन गर्नु भएको सो कार्यक्रममा पार्टीका बाँके अध्यक्ष कमरुद्दीन राई, प्रदेश पाँचका कोषाध्यक्ष अम्बिका काफ्ले, नगर उपाध्यक्ष रशिद कुरैशी, दुर्गेश यादव, बदरुदुजा खाँ, प्रदेश सदस्य बेबी तबस्सुम अन्सारी, अकबर अलि खाँ, युवा अध्यक्ष गोपाल बहादुर क्षेत्री, उपाध्यक्ष राजिब खड्का , प्रदेश सदस्य माजिद अलि शेख, रमारानी वैश्य लगायतको सहभागिता रहेको थियो ।
Discussion about this post