बाँके असोज ९ गते ।
शुक्रबार बिहान उपचारकै क्रममा मृत्यु भएका नेपालगन्जका एक कोरोना संक्रमितको धार्मिक परम्परा अनुसार अन्तेष्टि गरिएको छ । नेपालगन्ज उपमहानगरपालिका ३ का ५२ वर्षिय ति पुरुषको शवलाई नेपाली सेनाको एक टुकडीले अन्तिम सलामी अर्पण गर्दै सदगद गरेकोे हो । जिल्ला कोभिड संकट व्यवस्थापन केन्द्रको समन्वयमा शव ब्यवस्थापन गरीएको हो ।
नेपालगन्ज एकलैनीका ति पुरुषको नेपालगन्ज मेडिकल कलेज शिक्षण अस्पताल कोहलपुरमा उपचारकै क्रममा शुक्रवार बिहान २ बजेर २५ मिनेटमा मृत्यु भएको थियो ।
मृतक व्यक्तिको स्वास्थ्यमा समस्या आएपछि असोज ५ गते राती ११ बजे उपचारका लागि मेडिकल कलेज कोहलपुरमा भर्ना गरिएको र कोरोनाको आशंकामा ६ गते बिहान पिसिआर जाँचकालागि स्वाब संकलन गरिएको थियो । सोहिदिन दिउँसो आएको कोरोना परिक्षणको नतिजामा उनलाई पोजेटिभ देखिएको र उपचारकै क्रममा शुक्रबार बिहान २ बजेर २५ मिनेटमा उनको मृत्यु भएको अस्पतालले पुष्टि गरेको स्वास्थ्य कार्यालयद्वारा जारी गरिएको प्रेस नोटमा जनाइएको छ ।
मृतक व्यक्तिको दुबै फोक्सोमा निमोनिया हुनुका साथै उच्च रक्तचापको समस्या समेत देखिएको नोटमा जनाइएको छ । यो सङ्गै बाँकेमा कोरोनाबाट ज्यान गुमाउनेको संख्या १२ पुगेको छ ।
Discussion about this post