सरला सुबेदी (कोहलपुर )
बाँके असोज ९ गते ।
कोरोना भाईरस समाजमा त यो निकै ठुलो हाउगुजि बनेको छ । कोरोनाले भन्दा कमजोर हाम्रो समाजले नबुझेको हाउगुजिले मानिसको ज्यान लिने देखिन्छ । हामी पनि हाउगुजिकै पछाडि छौ । अझ भनौ कुनै कुरा हामिले राम्रोसँग बुझ्न सकेको छैनौ र चाहदैनौपनि । तर हल्लाको भरमा अरुलाई हेला,घृणा गर्नतिर हामि बढि रुचि राख्छौ । यो एकदमै गलत हो । हाम्रो गाउँ ,समाजमा सचेतना जगाउनु भन्दा भ्रम फैलाउने जमात ठूलो त छैन । तर पनि हामी यथार्थ नबुझ्ने अलि बढि छौ ।
साच्चै जिन्दगी भनेको सोचे जस्तो मेरो मात्र होइन कसैको पनि नहुदो रहेछ भन्ने आभास हुन थालेको छ यो कोरोना भाइरस (कोभिड) १९ को कहर पछि ।
कसले सोचेको थियो होला र जीवनमा एकाएक यस्तो जटिल परिस्थिति आइदिन्छ, जस्ले पूरै विश्वलाई नै हल्लाइदिन्छ। अनि मानव जीवनको रक्षा गर्न यति धेरै सङ्घर्ष गर्नुपर्छ, बाँच्न र बचाउनको लागि बन्द कोठाभित्र थुनिएर बस्नुपर्छ र आफ्नै नजिकका प्रिय मान्छेहरूबाट समेत अछुतो झैँ गरी टाढै बस्नुपर्छ भनेर। सायदै कल्पना गरेका थियौं होला हामीले। प्रकृतिले कहिलेकाहीँ यसरी नै अनौठो तरिकाले चुनौती दिने गर्छ हामीलाई। र, एउटा शाश्वत सत्य यही हो कि जुन कुराबाट हामी बारम्बार भाग्न खोज्छौँ। जति छल्न खोज्छौँ, त्यसले हामीलाई सधैँ लखेटिरहन्छ।
सबैभन्दा पहिले हामी जो जति आजसम्म बाँचिरहेका छौँ अनि सजिलै आफ्नै फोक्सोले सास फेरिरहेका छौँ, एकचोटी कृतज्ञ होऔँ। किनकि आजसम्म विश्वभर हामीजस्ता लाखौँ मानिस सास फेर्नकै लागि अक्सिजन र भेन्टिलेरको कृत्रिम मेसिनभित्र उकुसमुकुस भएर सङ्घर्ष गरिरहेका छन्। अहिलेको विषम परिस्थिति भुसको आगो जस्तै फैलिँदै गएको कोरोना सङ्क्रमण र त्यसको समस्या अनि समाधनको बाटो खोज्न हामी आफै एकदमै सतर्क भएर साबधानी अपनाउ।
कोरोना लाग्नु सामान्य कुरा हो । सबैलाई एउटै खालको लक्षण पनि देखिदैन । कुनै मानिसलाई कोरोनाको कुनै असर नदेखिन पनि सक्छ । कोरोनाले बालक, बयस्क, बृद्ध चिन्दैन । तर नेपालमा ज्यानेको आंकडा हेर्दा दिर्घ रोगिहरु बढि देखियो । यद्यपी सतर्कता त सबैले अपनाउन नै पर्दछ । कोरोनाको हाल सम्म कुनै औषधि बनी नसकेको हुदा हाम्रो वरपर पाईने जडिबुटी हरुको उपयोग गर्नु उत्तम देखिन्छ ।
असुरो , दालचिनि , गुर्जो , मरिचको झोल पिउन दिनु निकै लाभदायक ठानिएको छ । त्यस्तै काचो, हलेदो , मरिच ,ज्वानो , टिमुरको झोल पनि खानु श्वास्थ्यका लागि फाईदा नै हुन्छ ।कोरोनालाई जित्नु छ भने तनमनले आफ्नो स्वास्थको ख्याल गरौ कोरोना विरुद्ध आत्मबल दरो बनाउ कोरोना डटेर भगाउ यसो गर्न सकेनौ भने हामिलाई यस्ले जिन्दगी भर पिरोलिरहनेछ पिरोलिएरै बस्ने कि कोरोनाको सामना गर्ने त्यो तपाइकै जिम्मामा छ है सचेत बनौ पुर्ण रुपमा साबधानी अपनाउ!!!
Discussion about this post