बाँके असोज १७ गते ।
बाँकेका सिडियो रामबहादुर कुरुम्बाङ जमुनाह नाका पुगेका छन् । नाका अस्तव्यस्त हुँदा कोरोनाको जोखिम बढेको बिषयमा खोजखवर अनलाइनले समाचार प्रकाशन गरेपछि सिडिओ नाका पुगेका हुन् । नेपाल भारत सिमा नाका जमुनाहस्थित होल्डिङ सेन्टर र हेल्थ डेस्कको अनुगमन तथा निरीक्षण गरिएको छ ।
सिडियो कुरुम्बाङ, कर्णाली प्रदेश सामाजिक बिकास मन्त्रालय स्वास्थ्य महाशाखा प्रमुख बृष शाही, स्वास्थ्य कार्यालय बाँकेका प्रमुख धिरजङ्ग शाही तथा स्वास्थ्यका लागि सक्षम प्रणाली नामक संस्थाका प्रतिनिधि लगायतले उक्त होल्डिङ सेन्टर र हेल्थ डेस्कको शनिबार बिहान अनुगमन तथा निरीक्षण गरेको जिल्ला कोभिड१९ संकट व्यवस्थापन केन्द्र बाँकेका फोकल पर्सन नरेश श्रेष्ठले जानकारी दिए ।
त्यसक्रममा कोरोना भाइरसको जोखिमलाई न्यूनीकरण गर्नकालागि भारतबाट नेपाल भित्रीने नेपालीहरुको दैनिक तथ्यांक राखी सम्बन्धित जिल्लाहरुको पालिकाको क्वारेन्टाइनमा पठाउने प्रक्रियालाई व्यवस्थितका साथै निरन्तरता दिने, सिमाको हेल्थ डेस्कलाई अझै व्यवस्थित गराई आवश्यक तथा शंकास्पद बिरामीलाई क्वारेन्टाइन, आइसोलेसन तथा पिसिआर जाँचको लागि व्यवस्थापन मिलाउने बारे छलफल भएको श्रेष्ठले जानकारी दिए ।
त्यसैगरी, नेपालगन्ज उपमहानगरपालिकाको हकमा भारतबाट आउने सबैको तथ्यांक व्यवस्थित बनाउने, हेल्थ डेस्क र होल्डिङ सेन्टर व्यवस्थापनका लागि जिल्ला कोभिड १९ संकट व्यवस्थापन केन्द्रको आवश्यकताका आधारमा नेपालगन्ज उपमहानगरपालिकासङ्ग समन्वय गरी स्वास्थ्यका लागी सक्षम प्रणाली संस्थाले सहयोग गर्ने बारेमा छलफल भएको फोकल पर्सन श्रेष्ठले जानकारी दिए । जमुनाह नाकामा नेपालमा कोरोना संक्रमण शुरु भएयता नेपालगन्ज उपमहानगरपालिका स्वास्थ्य शाखाले भारतबाट नेपाल भित्रीने नेपालीहरुको तथ्यांक राख्नुका साथै स्वास्थ्य चेकजाँच गर्दै आएको छ । तस्बिर नरेश श्रेष्ठको फेसबुकबाट
Discussion about this post