दाङ असोज १८ गते ।
दाङमा प्रहरीले ५ लाख बढि रकमसहित छटुटाछुट्टै स्थानबाट १८ जना जुवाडेहरुलाई पक्राउ गरेको छ । विशेष सुराकीको आधारमा प्रहरीले देउखुरीको राप्ती गाउँपालिका-५ सिसहनियाँ बजारबाट नगद दुई लाख ६० हजार एक सय २५ रुपैयासहित दश जना र पश्चिम दाङको बबई गाउँपालिका-३ धनुवासबाट नगद दुई लाख ६१ हजार नौ सय ९० रुपैयासहित ८ जना जुवाडेलाई पक्राउ गरेको हो ।
शनिबार देउखुरीको राप्ती गाउँपालिका-५ सिसहनिया बजारस्थित रहेको दर्शन खाजा घरको कोठामा जुवातास खेलिरहेका छन भन्ने गोप्य सुचनाको आधारमा जिल्ला प्रहरी कार्यालयबाट खटिएको प्रहरी टोलीले दुई लाख साठ्ठी हजार एक सय पच्चिस रुपैया नगदसहित १० जनालाई पक्राउ गरेको जिल्ला प्रहरी कार्यालय दाङका प्रहरी नायव उपरिक्षक एव प्रवक्ता सुमित खड्काले जानकारी दिएका छन् ।
प्रहरीले खोलेको ४ गड्डी र नखोलेको ४२ गड्डीसहित राप्ती गाउँपालिका-७ निवासी ३७ वर्षिय दिपेन्द्रबिक्रम शाह, सोही ठाउँ निवासी २९ वर्षिय मोहन गाहा मगर, रोल्पा सुनिलस्मृति गाउँपालिका ७ निवासी २८ वर्षिय नारायण रोकामगर, राप्ती गाउँपालिका निवासी ३० वर्षिय बिक्रम राना, सोही ठाउँ निवासी ३० वर्षिय श्याम गुरूङलाई पक्राउ गरेको हो ।
त्यसैगरी सोही ठाउँ निवासी २८ वर्षिय बसन्त बेल्वासे, सोही ठाउँ निवासी ३० वर्षिय लक्ष्मण गिरी, राप्ती गाउँपालिका वडा नं. ५ निवासी ३० वर्षिय छोटेलाल चौधरी, वडा नं. ८ निवासी ४५ वर्षिय बेलसिंह भैयामगर र वडा नं. २ निवासी ३८ वर्षिय युवराज बुढा पक्राउ परेका छन ।
त्यसैगरी प्रहरीले पश्चिम दाङको खिलतपुरबाट ८ जना जुवाडेलाई पक्राउ गरेको छ । प्रहरीले उनीहरुको साथबाट २ लाख ६१ हजार ९ सय ९० रुपैयासमेत बरामद गरेको प्रवक्ता खड्काले जानकारी दिएका छन् ।
पक्राउ पर्नेमा बबई गाउँपालिका ३ निवासी लोक बहादुर खड्का, सोही ठाउँ निवासी ४९ वर्षिय पर्साराम बिक, २४ वर्षिय शेरबहादुर बिक, २४ वर्षिय प्रेम पुन, सुन्दरखाल बस्ने ३२ वर्षिय बिमल भन्ने बिनबहादुर घर्ती, २९ वर्षिय बिक्की नेपाली र २९ वर्षिय भीमबहादुर भन्ने भाईलाल नेपाली रहेको जिल्ला प्रहरी कार्यालय दाङले जनाएको छ ।
Discussion about this post