बाँके असोज २४ गते ।
जिल्ला हुलाक कार्यालय बांकेको आयोजनामा २०७७ असोज २३ गते “अधिकतम मेल” नाराका साथ १४६ औ विश्व हुलाक दिवसको कार्यक्रम कोरोना सजकता र सामाजिक दुरी कायम गरेर जिल्ला हुलाक कार्यालय बांकेको परिसरमा बिभिन्न कार्यक्रम सहित संचालन गरिएको थियो ।
जिल्ला हुलाककार्यालय बांकेका कार्यालय प्रमुख हुलाक अधिकृत गोबिन्दपसाद पाण्डेले अध्यक्षतामा संचालन गरिएको सो कार्यक्रममा कार्यक्रमको सुरुवातमा कार्यालयका हुलाक बचत बैंक, रजिष्ट्री तथा टिकट शाखाबाट सर्व प्रथम सेवा लिन आउने तीन जना सेवाग्राहीलाई अबिर र खादा सहित सम्मानित गरिएको थियो भने सो कार्यक्रममा बिगत पच्चिस वर्ष देखि अतिरिक्त हुलाक कार्यालय कटकुईयालाई कार्यालय प्रयोजनका लागि निशुल्क भवन उपलब्ध गराउने नरैनापुर गाऊपालिका वडानं १ कटकुइया गाउका समाजसेवी ठाकुरप्रसाद यादवलाई निजको योगदानको कदर गर्दै दोसल्ला र सम्मान पत्र सहित सम्मानित गरिएको थियो ।
कार्यक्रममा आफ्ना धारणा राख्दै सम्मानित हुनुहुने समाजसेवी ठाकुरप्रसाद यादवले आफुले सेवा भावको कारण बिगत पच्चिस वर्ष देखि अतिरिक्त हुलाक कार्यालय कटकुईयालाई निशुल्क एक कोठा उपलब्ध गराएको हो । मलाई जिल्ला हुलाक कार्यालयले बिश्व हुलाक दिवशको अवसरमा सम्मानित गरे पछि यस्ता खालका समासेवामा लाग्न अझ बढी उत्साह थपिएको बताउनु भयो ।
कार्यक्रममा आफ्नो धारणा राख्दै जिल्ला हुलाक कार्यालय बांकेका कार्यालय प्रमुख गोबिन्दप्रसाद पाण्डेले अहिले जिल्लाका प्राय सबै वडामा कार्यालय तथा कर्मचारी भएको हुलाक कार्यालय भएकोले बिभिन्न इलाका तथा अतिरिक्त हुलाक कार्यालयहरुको उचित ब्यबस्थापन कर्मचारीको उत्प्रेरणा बढाउने काममा हामी सबै लागेका छौ भन्दै नियमित तथा छरितो पत्र वितरण, सूचना कोहक कार्यान्वयनको अनुगमन, एफ एम रेडियो तथा केबल टिभीको अनुगमनको कामलाई कार्यालयले प्रथामिता साथ अगाडी बढाएको बताउनु भयो ।
त्यसै गरी कार्यालय प्रमुख पाण्डेले जिल्ला हुलाक कार्यालय बांकेले संचालन गरेको हुलाक बचत बैंकले जेष्ठ नागरिकलाई सात प्रतिशत र अन्यलाई छ प्रतिशत ब्याज दिने, ब्याजमा कर नलाग्ने तथा बचतको सुरुक्षा हुने भएकोले हुलाक बचत बैंकमा सर्व साधारणको आकर्षण बढेको बताउनु भयो । कार्यालय प्रमुख पाण्डेले यस बर्षलाई बांकेका इलाका तथा अतिरिक्त हुलाक निर्माण तथा मर्मत वर्षको रुपमा मनाउने बताउनु भयो ।
यसै क्रममा कार्यालय प्रमुख पाण्डेले इलाका हुलाक कार्यालय खजुरामा यसै वर्ष पचास लाखको लागतमा पक्की भवन निर्माण हुन गई रहेको तथा अन्यका इलाका तथा अतिरिक्त हुलाक कार्यालयहरु संघ, प्रदेश तथा स्थानीय सरकारसंगको सहकार्यमा मर्मतका काम अगाडी बढाईने जानकारी दिनुका साथै जिल्ला हुलाक कार्यालय बांकेलाई वातावरणिय रुपमा सफा सुन्दर तथा स्वच्छ र सेवाग्राही मैत्री कार्यालयको रुपमा विकास गरिने योजना रहेको समेत बताउनु भएको छ।
Discussion about this post