मुगु कार्तिक ३ गते ।
नेपालीहरूको महान् पर्व बडादशैँ र तिहार नजिकिँदै गर्दा मुगुमा एक्कासि प्याजको मूल्य अकासिएको छ । साउन, भाद्र महिनामा मुगुको स्थानीय गमगढी बजारमा प्रति केजी प्याज १०० रुपैयाँदेखि १५० रुपैयाँसम्म बिक्री भएको थियो । तर हिजोआज एक्कासि प्रति केजी २५० रुपैयाँमा खरिद(बिक्री भैरहेको छ ।
मुगुमा व्यावसायिक रुपमा प्याजखेती गर्ने कृषकहरु नभएको हुँदा असार(साउनमा केही कृषकहरुले थोरै(थोरै उत्पादन गरेका प्याज बजारमा आउँदा बजार मूल्य कम भएको थियो । हिजोआज स्थानीयले उत्पादन गरेका प्याज स्थानीय बजारमा अभाव भएको हुँदा ग्रहकको माग बढिरहेको हुँदा जुम्ला, कालिकोट जिल्लाबाट प्याज ल्याउनुपर्ने भएकाले ढुवानी खर्च बढी तिनुपर्छ । जसको लागत मूल्यमा जोड्दा हिजोआज बजारमा प्याजको मुल्य बढेर २५० रुपैयाँसम्म बिक्री गर्नुपरेको गमगढी बजारमा तरकारी पसल सन्चालन गरिरहेका राष्टराज कार्कीले बताए।
जिल्लामा विभिन्न संघ-संस्था र सरकारी कार्यालयले मुगुका कृषकहरुलाई प्याजलगायत अन्य सिजनल एवं अफसिजनल उत्पादन हुने तरकारीहरुमा लाखौँ रुपैया अनुदानबापत खर्च गरेका छन्। तर पनि सम्बन्धित ब्यावसायिक रुपमा तरकारी खेती गर्ने कृषकको पहिचान नगरी राजनैतिक पहुँचको आधारमा कृषक छनोट गर्ने कृषि क्षेत्रमा लगानी गर्ने प्रवृत्तिले मुगुमा प्याज लगायत अन्य तरकारीको बजार अभाव हुने गरेको ५ वर्षदेखि नियमित तरकारी व्यवसाय गर्दै आएका छायानाथ रारा नगरपालिका वडा नम्बर ५ का बालचन्द्र कार्कीले बताए ।
यता जिल्ला कृषि विकास कार्यालय मुगुका अनुसार विगतका वर्षहरुभन्दा पछिल्ला वर्षहरुमा स्थानीय कृषकहरुले उत्पादन गरेको तरकारी बजारमा पाइरहेको र पछिल्ला वर्षहरुमा नेपालगन्ज, सुर्खेतबाट ल्याएर बिक्री हुने हरियो तरकारी र फलफुलको प्रयोग घटेको छ ।
Discussion about this post