ताहिर शेष राई (साहिल)
बाँके कार्तिक ३ गते ।
नेपालगन्जको अस्तव्यस्त बजार क्षेत्रमा ट्राफिक व्यवस्थापन शुन्य देखिएको छ । नोबेल कोरोना भाइरस महामारीका बीच दशै तिहारको आगमन भएपनि जिल्ला ट्राफिक प्रहरी कार्यालय बाँकेले ट्राफिक व्यवस्थापनमा अझै सुधार गर्न सकेको छैन् ।
अति अस्तव्यस्त एतिहासिक बजार त्रिभुवन चौकदेखि त्रिवेणीमोडसम्म, विपि चोकदेखि त्रिभुवन चोक, घरबारी टोल र नगरभवन क्षेत्र लगायतका क्षेत्रमा जाम नै हुने गरेको छ । दुर्घटना न्यूनीकरण र ट्राफिक जाम नियन्त्रणकालागी ट्राफिक प्रहरीको उपस्थिति जरुरी छ । ट्राफिक प्रहरी बाँकेले नयाँ नेतृत्व पाएको करीब १० दिन बितिसक्दा पनि ट्राफिक व्यवस्थापन हुनसकेको छैन ।
बिहिवार बसेको जिल्ला कोडिभ संकट व्यवस्थापन समितिको बैठकले यस्तो अनुरोध गरेको हो ।
बिहान १० बजेदेखि साँझ ८ बजेसम्म त्रिभुवनचोकदेखि त्रिवेणीमोडसम्मको बाटोमा दुई पांग्रे सवारीसाधन बाहेक अन्य सवारी साधन सन्चालनमा रोक लगाइएको हो ।
नियमलाई बेवास्ता गरि सडकमै छ्यापछ्यापी अटो रिक्सा र मोटरसाइकल व्यवस्थापन गर्न नसक्दा ट्राफिक व्यवस्थापन फितलो देखिएको छ । केहिदिन यता ट्राफिक व्यवस्थापनको विषयलाई लिएर समाचार सम्प्रेषण गर्दा पनि जिल्ला ट्राफिक कार्यालय बाँकेको ध्यान पुग्न सकेको छैन ।
भेरी अस्पतालदेखि सदरलाइन,न्युरोड र घरबारी टोल क्षेत्रमा ट्राफिक प्रहरीको उपस्थिति नहुँदा एकातिर ट्राफिक जामको समस्या भइरहेको छ भने अर्को तर्फ सवारी दुर्घटनाको जोखिम पनि बढाएको छ । त्रिभुवन चोक र त्रिवेणीमोडमा नेपाल प्रहरी खटाएपनि उनीहरुले ट्राफिक व्यवस्थापनमा खासै भूमिका निभाएका छैनन् । उनीहरुले ट्राफिक व्यवस्थापन सम्बन्धि कार्य ट्राफिक प्रहरीको भएको भन्दै पन्छिने गरेका छन् ।
चाडपर्व भित्रिएसँगै किनमेलका लागि मानिसहरु ग्रामीण क्षेत्रबाट नेपालगन्ज, कोहलपुरलगायतका क्षेत्रमा ओइरिएका छन् । यसले नेपालगन्जमा मानिसहरुको भीडभाड बढाएको छ । जिल्ला प्रशासन कार्यालय बाँकेले घरमै बसेर दशै, तिहार, ,छठ, मोहमद डे मानाउन सबैमा अनुरोध गरेको छ ।
Discussion about this post