बाँके कार्तिक २६ गते ।
लागु औषध अफिमसहित बाँके प्रहरीले दुईजनालाई पक्राउ गरेको छ । कोहलपुरको बसपार्कस्थित भेरी गेष्ट हाउसबाट जाजरकोटका ४५ बर्षका जय बहादुर सिंह र ३३ बर्षका विरेन्द्रमान सिंहलाई पक्राउ गरेको हो ।
पक्राउ परेकाबाट ७ वटा प्लाष्टिकमा बेरेर राखेको अवस्थामा ७ किलो अफिम बरामद भएको प्रहरीले जनाएको छ । अफिमको कारोवार भइरहेको छ भन्ने सूचना पाएर जिल्ला प्रहरी कार्यालय र लागु औषध नियन्त्रण ब्युरोको टोली गएर उनीहरुलाई होटेलको १०५ नम्वर कोठाबाट पक्राउ गरेको जनाएको छ ।
पक्राउमाथि अनुसन्धान भइरहेको प्रहरीको भनाइ छ।
ADVERTISEMENT
Discussion about this post