बाँके कार्तिक २६ गते ।
अपाङ्ग सशक्तिकरण एंव संचार केन्द्र डेक नेपालको जिल्ला स्तरीय समन्वय परियोजना सल्लाहाकार समितिको बैठक आज कोहलपुरमा सम्पन्न भएको छ । जिल्ला समन्वय समिति बाँकेका संयोजक अजय श्रीवास्तवको सभापतित्वमा भएको कार्यक्रममा बोल्ने सहभागीहरुले अपाङ्गता भएका व्यक्तिहरुको सशक्तिकरणका लाडि डेक नेपालले महत्वपूर्ण भूमिका निर्वाह गरेको बताए ।
उनीहरुले अपाङ्गता भएका व्यक्तिहरुको शिक्षा, स्वास्थ्य तथा रोजगारीमा सरकारले ध्यान दिनुपर्ने सुझाव दिए । उनीहरुले संस्थाले गरेको काममा स्थानीय सरकारले पनि सहयोग गर्नुपर्ने धारणा राखेका थिए । नेपाल अपाङ्ग महासंघ लुम्बिनी प्रदेशका सचिव भावुक जंग थापाले अपाङ्गता भएका व्यक्तिहरुको सवालमा स्थानीय सरकार अझै फराकिलो बन्नु पर्ने बताउनुभयो ।
उहाँले शिक्षा, स्वास्थ्य र रोजगारीमा विशेष जोड दिन स्थानीय सरकारका अधिकारीहरुसँग आग्रह गर्नुभयो । कार्यक्रममा कोहलपुर नगरपालिकाका मेयर लुटबहादुर रावत, नेपालगन्जका उपमेयर उमा थापामगर, खजुराका उपाध्यक्ष एकमाया विक, बैजनाथका उपाध्यक्ष शारदा विक, गैसस महासंघ बाँकेका अध्यक्ष नमस्कार शाहलगायतले बोलेको सो कार्यक्रमको सहजीकरण डेकका कार्यक्रम संयोजक जीवन गिरीले गर्नुभएको थियो ।
Discussion about this post