खोजखबर संवाददाता
जनकपुर भदौ २१ गते । संघीय सरकारका स्वास्थ्य तथा जनसंख्या राज्यमन्त्री डा.सुरेन्द्र यादवले जनकपुर स्थित जानकी वृद्धा आश्रमका आमाहरुलाई आफैले स्वास्थ्य चेकजाँच गरेका छन् । शनिवार विहान व्युटिसियन एसोसिएसन धनुषाले आश्रममा आयोजन गरेको निःशुल्क स्वास्थ्य परीक्षण तथा औषधि वितरण कार्यक्रमलाई उदघाटन गर्दै राज्यमन्त्री डा. यादवले केहि आमाहरुको आफैले स्वास्थ्य परीक्षण गरेका हुन् ।
स्वास्थ्य चाँच गर्दै उनले स्वस्थ्य रहन खानपिन, उठबस तथा अपनाउनुपर्ने संयमताको विषयमा आमाहरुलाई सल्लाह सुझाव दिए । आमाहरुमा बढी दम रोगको सिकायत रहेको राज्यमन्त्री यादवको भनाई छ । उनले आश्रमका आमाहरुको निःशुल्क स्वास्थ्योपचार र औषधिको व्यवस्था गर्ने समेत प्रतिवद्धता व्यक्त गरे । शिविरमा आमाहरुलाई निःशुल्क औषधि समेत प्रदान गरिएको छ ।
वृद्धाअश्रममा अहिले १६ जना वृद्धा आमाहरु छन् । जानकी वृद्धा आश्रममा सन्तान नभएको तथा सन्तानबाट प्रताडित आमाहरु वृद्धावस्थामा शरण लिने गर्दछन् ।
आयोजक संस्था व्युटिसियन एसोसिएसन धनुषाकी आध्यक्ष शिल्पा महतोको अध्यक्षता तथा राज्यमन्त्री डा. यादवको प्रमुख आतिथ्यमा भएको आमाहरुको स्वास्थ्यजाँच तथा औषधि वितरण कार्यक्रममा संस्थाकी सचिव मिनाक्षी पाण्डे, बोर्ड सदस्य विभा यादव, अनिषा ठाकुर, प्रमिला महतो र रितु ठाकुर लगायतको सहभागिता थियो ।
Discussion about this post