खोजखबर संवाददाता
बाँके भदौ २१ गते । नेपाली काँग्रेसको संगठनलाई संघीय संरचना अनुसार समायोजनका लागि नेपाली काँग्रेस बाँकेले प्रदेश निर्वाचन क्षेत्रस्तरिय कार्यसमिति गठन गर्ने कार्य गरेको छ । काँग्रेसको खजुरा गाउँपालिका वडा नं। ३ मा आयोजित एक भेलाले प्रदेश क र प्रदेश ख अन्तर्गत दुई वटा प्रदेश निर्वाचन क्षेत्रस्तरिय कार्यसमिति गठन गरेको छ ।
प्रदेश ‘क’ अन्तर्गत बाँकेको बैजनाथ र खजुरा गाउँपालिका वडा नं। ५, ६, ७ र ८ बाट क्षेत्रीय कार्यसमितिमा प्रतिनिधित्व गर्ने गरी हेम बहादुर खत्रीको सभापतित्वमा ११ सदस्यीय समिति गठन गरिएको छ । उक्त समितिको सचिवमा ज्ञान बहादुर वली चयन भएका छन भने सदस्यहरुमा कृष्ण बहादुर थारु, महाबीर थारु, धिरेन्द्र सिंह ठकुरी, भुपेन्द्र बस्नेत, ललता थारु, नसिर अहमद खाँ, अबसर मोहम्मद खाँ, सियाराम पथिक र झलक शर्मा रहेका छन ।
त्यस्तै प्रदेश ‘ख’ अन्तर्गत खजुरा गाउँपालिका वडा नं। १, २, ३ र ४ बाट प्रतिनिधित्व गर्ने गरी राममनोरथ यादवको नेतृत्वमा १३ सदस्यीय कार्यसमिति गठन गरिएको छ । समितिको सचिवमा दिप बहादुर थापा, सहसचिवमा अमृता नेपाल र कोषाध्यक्षमा नर बहादुर खड्का रहेका छन भने सदस्यहरुमा क्रमशः जुल्फिकार अलि मनिहार, जिवनाथ सापकोटा, तारामणी अधिकारी, रमेश बर्मा, लक्ष्मण प्रसाद बर्मा, सरिफ कवडिया, गान्धी हमाल, अम्बर सिंह ठकुरी र असगर अलि तेली चयन भएका छन ।
नेपाली काँग्रेसको संगठनलाई संघीय संरचना अनुसार समायोजनका लागि केन्द्रीय कार्यसमितिबाट पारित निर्देशन बमोजिम उक्त समिति गठन गरिएको क्षेत्र नं। ३ का प्रवक्ता भुपेन्द्र बस्नेतले जानकारी दिए ।
कार्यक्रममा संघीय संरचना समायोजना केन्द्रीय प्रतिनिधि अधिवक्ता ईश्वरी ज्ञवाली, निर्वाचन सदस्य अधिवक्ता प्रहलाद बहादुर कार्की, नेपाली कांग्रेस बाँकेका पार्टी सभापति किरण कोइराला, पूर्व सभापतिद्धय युवराज शर्मा, कृष्णमान श्रेष्ठ, पूर्व सांसद बादशाह कुर्मी, आशा बिक, क्षेत्र नं। ३ का महासमिति सदस्य, क्षेत्र नं। ३ का क्षेत्रीय सभापति नकि खाँ तथा महाधिवेशन प्रतिनिधि लगायतको उपस्थिति रहेको थियो ।
Discussion about this post