बाँके मंसिर ७ गते ।
कोहलपुर वडा नं १२ चपरगौडिमा आधारभुत स्वास्थ्य सेवाको शुभारम्भ भएको छ । आइतबार एक कार्यक्रमका बिच कोहलपुर नगरपालिकाका प्रमुख लुट बहादुर रावतले आधारभुत स्वास्थ्य केन्द्रको शुभारम्भ गरेका हुन् । केन्द्रमा दुई जना स्वास्थ्यकर्मी, र एक जना कार्यालय सहयोगी रहने छन ।
यस केन्द्रमा सामान्य खालका उपचार र नेपाल सरकारले प्रदान गर्दै आएक औषधीहरु बितरण समेत गरिने कोहलपुर नगरपालिकाका प्रमुख रावतले बताए। अब केहि दिनमा नै कोहलपुर का सबै वडाहरुमा आधारभुत स्वास्थ्य केन्द्रहरु बिस्तार भईसक्ने र ति कार्यलयहरु केहि महिना भित्र नै आ आफ्नो भबनमा पनि सार्नकालागि कामहरु भैरहेको समेत जानकारी दिए ।
कोहलपुर नगरपालिकाका १५ वटा वडा मध्ये १३ वटा वडामा आधारभुत स्वास्थ्य केन्द्रको स्थापना भैसकेको र अब १ र १० वडा मात्रबाकी रहेको कोहलपुर नगर स्वास्थ्य प्रमुख डिल्ली पोखरेलले जानकारी दिएका हुन् ।उनले वडा नंं १ को सबै तयारी भैसकेको र १० केहि समय लाग्ने समेत जानकारी गराए।
Discussion about this post