बाँके मंसिर १४ गते ।
अबैध लागुऔषध ब्राउन सुगरसहित एक युवालाई बाँके प्रहरीले नियन्त्रणमा लिएको जनाएको छ । नेपालगंज उप महानगरपालिका वाड नं २ स्थित पुष्पलाल चोक नजिकै रहेको नागरीक गेष्ट हाउसको कोठा नं १०२ मा बसीरहेका युवालाई लागुऔषध ब्राउन सुगर सहित नियन्त्रणमा लिएको जिल्ला प्रहरी कार्यालय बाँकेले जनाएको छ ।
उक्त होटलमा लागु औषधको अबैध कारोबार भईरहेको भन्ने बिशेष सूचनाको आधारमा जिल्ला प्रहरी कार्यालय बाँकेबाट खटिएको प्रहरी छोलीले उक्त गेष्ट हाउसको कोठा नं १०२ मा बसेका सुर्खेतको बिरेन्द्रनगर नगरापलिका वाड नं २ का २२ वर्षिय सुनिल बोहरालाई पक्राउ गरेको हो ।
बोहरा बसेको कोठा खानतलासी गर्दा निजले लगाएको सेतो रङको हुडको अगाडी खल्तिमा कालो प्लाष्टिकले बेरेको अस्थामा ससानो १५ वटा पोका बनाई राखेको १२ ग्राम ब्राउन सुगर जस्तो पदार्थ फेला पारी नियन्त्रणमा लिई आवश्यक कारवाही अघि बढाईएको प्रहरीले जनाएको छ ।
Discussion about this post