बाँके, असार २२ गते ।
बाँकेको नेपालगन्ज उपमहानगरपालिका–१४ उधौपूर्वाबाट प्रहरीले ८० ग्राम ३७० मिलिग्राम ब्राउन सुगरजस्तो देखिने लागू औषधसहित दुई जनालाई पक्राउ गरेको छ।
जिल्ला प्रहरी कार्यालय बाँकेका अनुसार लागू औषधको कारोबार भइरहेको भन्ने गोप्य सूचनाका आधारमा गरिएको चेकजाँचका क्रममा स्थानीय ४२ वर्षीय जसवन्त चौहान लोनिया र ३७ वर्षीया मिना कुमारी लोनियालाई पक्राउ गरिएको हो।
प्रहरीले उनीहरूको साथबाट बरामद गरिएको पदार्थ ब्राउन सुगरजस्तो देखिने जनाएको छ। बरामद पदार्थको प्रकृति तथा घटनामा संलग्नता सम्बन्धमा थप अनुसन्धान भइरहेको प्रहरीले जनाएको छ।
पक्राउ परेका दुवै जनाविरुद्ध लागू औषध सम्बन्धी कसुरमा बाँके जिल्ला अदालतबाट १० दिनको म्याद थप अनुमति लिई अनुसन्धान अघि बढाइएको छ। उनीहरू हाल जिल्ला प्रहरी कार्यालय बाँकेको हिरासतमा रहेका छन्।
जिल्ला प्रहरी कार्यालय बाँकेका सूचना अधिकारी प्रहरी नायव उपरीक्षक प्रतित सिंह राठौरका अनुसार घटनाका सम्बन्धमा थप अनुसन्धान जारी छ।
Discussion about this post