बाँके मंसिर १५ गते ।
बाँकेको जानकी गाउँपालिका वडा नम्बर ५ बनियाँ गाउँमा सोमबार साझ पाँच बजे तिर स्थानीयहरु बीच झडप हुँदा एक जनाको मृत्यु भएको छ ।
झडपमा जानकी गाउँपालिका वडा नम्बर ५ का ५६ वर्षीय धनिराम यावदको मृत्यु भएको हो, भने ६ जना गम्भीर घाइते भएको प्रहरीले जनाएको छ ।
प्रहरीका अनुसार आजबाट सुरु भएको गुरुवा गाउँको मेलामै उनिहरु बिच बिबाद र झडपको स्थिति सृजना भएको थियो, भने त्यही बिबाद गाउँमा आएर पुनः बल्झिदा उक्त घटना भएको हो । उनीहरुबीच पुरानो रिसिवी रहेको छ । महिला बच्चाबच्चीमाथि अन्धाधुन्ध कुटपिट गरेको यादव परिवारको आरोप छ ।
झडपमा घाइते बनेका यादवलाई उपचारका लागी अस्पताल पुराइएको भए पनि उनको उपचारकै क्रममा मृत्यु भएको हो । घाइतेहरुको नेपालगञ्जको नर्सिङ होममा उपचार भइरहेको छ । प्रहरीले घट्नामा संग्लन रहेका १२ जनालाई पक्राउ गरेको छ । जिल्ला प्रहरी कार्यालय बाँकेका डिएसपी सुभाष खड्का, वडा प्रहरीका प्रहरी निरीक्षक डिल्ली खड्का र जमुनाह भन्सार बिओपि सशस्त्र प्रहरी निरीक्षक जिबनलाल बुढाको संयुक्त प्रहरी टोलीले तत्काल घटनास्थललाई नियन्त्रणमा लिएको थियो । अहिले सुरक्षाकर्मी घटनास्थलमै अन्यको खोजी कार्य जारी छ ।
Discussion about this post