बाँके मंसिर १५ गते ।
बाँकेको कोहलपुर र खजुरामा १५ शैयाको अस्पताल निर्माण गरीने भएको छ । केन्द्रिय सरकारको निति अनुसार बाँकेका तिन स्थानमा १५ शैयाको अस्पताल निर्माण गर्ने उद्धेश्य अनुसार कोहलपुर र खजुरामा भवन शिलान्यास गरीएको हो । यसअघि आईतबार राप्तिसोनारीको बैजापुरमा रहेको स्वास्थ्य चौकीलाई राप्तीसोनारी अस्पतालका रुपमा स्तरोन्नती गरिएको थियो ।
सोमबार बाँके क्षेत्र नं १ का प्रतिनिधिसभा सदस्य महेश्वर गहतराज अथक र लुम्बिनी प्रदेशकी कृषि, भुमी ब्यवस्था तथा सहकारी मन्त्री आरती पौडेलले संयुक्त रुपमा कोहलपुर अस्पताल भवनको शिलान्यास गरेका छन ।
कोहलपुर नगरपालिका वडा नं ११ मा रहेको नगर स्वास्थ्य कार्यालयलाई नै १५ शैयाको अस्पतालमा स्तरोन्नती गर्न लागिएको कोहलपुर नगर स्वास्थ्य प्रमुख डिल्ली पोखरेलले जानकारी दिए । पोखरेलका अनुसार केन्द्रिय सरकारको १८ करोड लागतमा नगर स्वास्थ्य कार्यालय परिसरमै कोहलपुर अस्पतालको नयाँ भवन निर्माण गर्न लागिएको हो ।
त्यसैगरी खजुरा(३ मा रहेको प्राथमिक स्वास्थ्य केन्द्रलाई स्तरोन्नति गरेर अस्पताल बनाईने भएको छ । खजुरा अस्पतालको बाँके क्षेत्र नं ३ का सांसद नन्दलाल रोकायले सोमवार एक समारोहका वीच शिलान्यास गरेका छन् ।
संघीय सरकारको १८ करोड ६ लाख रुपैयाँको लागतमा निर्माण हुने खजुरा गाउँपालिका अध्यक्ष किश्मतकुमार कक्षपतिले जानकारी दिए ।
खजुरामा ५० शैयाको सुशील कोइराला प्रखर क्यान्सर अस्पताल सञ्चालनमा रहेको छ । जुन पश्चिम नेपालकै एक मात्र क्यान्सर अस्पताल हो ।
Discussion about this post