अताउल मुस्तफा
बाँके भदौ २२ गते । मुस्लिम धर्माव्लम्बीहरुको महान पर्व मोहर्रमको आठौ दिन आज ऐतिहासिक भव्य
जुलुस निकालिने भएको छ । आज राति ११ बजे नेपालगञ्जको फुल्टेक्रा, रामनगर, धम्बोजी र
जोल्हनपुर्वाबाट अठैको जुलुस निस्कने नेपाल मोहर्रम तथा कर्बाला संरक्षण समितिका अध्यक्ष मेराज अहमद हल्वाईले जानकारी दिनुभयो ।
चारै ठाँउबाट निस्कने जुलुस त्रिभुवन चोकमा एकिकृत भई अगाडी बढिने बताइएको छ । यस्तै वडा प्रहरी कार्यालयको सामुन्ने परम्परा अनुसार हुँदै आएको जन्जीरको महतम र गौसिया जानु मस्जिद स्थित चोकमा आगोको महतम र लाठि कला प्रस्तुती हुनेछ । आजको जुलुसमा दश हजार भन्दा बढिको सहभागिता रहने छ ।
आठ दिन अघि सुरु भएको मोहर्रम पर्व आउने मंगलवार सकिने छ । मुस्लिम धर्माव्लम्वीले इराकको कर्वलामा शहादत
प्राप्त गरेका हजरत इमामे हसन र इमामे हुसैको सम्झनामा प्रत्येक वर्ष मोहर्रम पर्व मनाउँदै आएका छन् । यसैगरि हिजो धूमधाम संग अलम जुलुस निकालिएको थियो । मोहर्रमको छैठौ दिन अस्ती मेंहदी जुलुस गरिएको छ ।
नेपाल मोहर्रम तथा कर्बला संरक्षण समितिका प्रवक्ता मोहम्मद हारुन हल्वाईका अनुसार नेपालगञ्जको फुल्टेक्रा, धम्बोझी र जोलहनपुर्व ढोल मिलन जुलुस निकालिएको थियो ।
तीनै स्थान बाट निस्किएको ढोल मिलन जुलुस त्रिभुवन चोकमा एकिकृत भई मिलान भएको थियो । यस्तै भोलि २३ गते ९ नवौ दिन बिभिन्न ठाउँमा परापूर्वकालदेखि राख्दै आएका मनौतिका ताजियाहरु बिभिन्न स्थानमा राखि परिक्रमा गर्दै २४ गतेका दिन सम्पुर्ण ताजियालाई एकिकृत गरि नेपालगञ्ज नगरपालिका वडा नं.६ मा रहेका कर्बलामा ताजिया सेलाउने कार्यक्रम रहेको छ । मुस्लिम धर्माव्लम्बीहरु इराकको कर्बलामा शहादत प्राप्त गरेका हजरत इमामे हुसैनको सम्झनामा प्रत्येक वर्ष मोहर्रम पर्ब मनाउँदै अएका छन् ।
Discussion about this post