लक्ष्मी तिमिल्सेना
बाँके भदौ २२ गते । नेपालको पहिलो बालक्लव जागृति बालक्लवकी अध्यक्ष आशा वि.क. एसिया बालिका अभियानको बालिका एम्बास्डर भएकी छन् । श्री जनज्योति मा.वि. देवचुली–१५ मा भर्खरै मात्र कक्षा १२ उतीर्ण गरेकी आशा कक्षा ६ देखि नै बालक्लव र किशोरीसँग सम्बन्धी गतिविधिमा सक्रिय रहेकी थिइन् ।
विगत २ वर्षदेखि जागृति बाल तथा युवा सरोकार नेपाल र क्यानलानको सहयोगमा सञ्चालित किशोरी सशक्तिकरण कार्यक्रमबाट प्रशिक्षित भए पछि आफूले आत्मरक्षा, घर विद्यालयमा महिनावरी प्याडको निर्माण, किशोरी माथिहुने बलात्कार, बालविवाह यौन हिंसाबाट कसरी सुरक्षित रहने सन्दर्भमा आफ्ना साथीहरुलाई अभिमुखीकरण गरिरहेकी छन् ।
करिब २००० जनाबालबालिका र किशोरीलाई आफूले जनचेतनामूलक तालिम दिएको बताउदै भविष्यमा बक्सिङ् खेल मार्फत देशको सेवा गर्ने लक्ष्य रहेको उनले बताईन् ।
सन् २०१२ देखि प्रत्येक वर्ष ताईवानको द गार्डन होप फाउन्डेसनले ताईवान सरकारसँगको सहकार्यमा एसियामा एसिया बालिकाअभियान र एसियनगल्स ह्युमन राईटस् अवार्ड प्रदानगर्दै आईरहेको छ ।
यसै अन्तर्गत आशाले एसियनबालिका एम्बास्डरको रुपमा छनौट भएकी छन् भने अवार्डको प्रतिस्पर्धाको लागि अक्टुबर ४ देखि ११ सम्महुने विशेष कार्यक्रममा भागलिन ताईवान जाँदैछिन् । उनले एसियाका अन्य किशोरीहरुसँग प्रतिस्पर्धा गर्नेछिन् ।
जागृतिबाल तथायुवा सरोकार नेपालले विभिन्न संघसंस्थासँगको सहकार्यमा बालिकातथा किशोरीहरुको अधिकार संरक्षणको लागि भेला र छलफलहरु नगर, जिल्ला, प्रदेश र राष्ट्रिय स्तरमा समेत बालिका सम्मेलनहरु गर्दै आईरहेको छ । आशावि.क. पनि यस्ता कार्यक्रमको एक निरन्तर सहभागीहुन् ।
कावासोती न.पा. ११ मा स्थाई घर भएकीआशावि.क. पारिवारिक, आर्थिक अवस्था कमजोर हुँदाहुँदै पनिआफ्नो अध्ययन सँगसँगै प्रशिक्षण, खेल, छलफल मार्फत किशोरी अधिकार संरक्षणमा क्रियाशील रहेकी छन् ।
Discussion about this post