बाँके माघ १० गते ।
नेपालगन्जका मेयर डा धवल शम्शेर राणाको गैरजिम्मेवारका कारण सार्बजनिक शौचालय गोदाम घर बनेको छ । नेपालगन्ज उपमहानगरपालिका–१३, मासुमण्डी छेउमा निर्माण भएको अत्याधुनिक शौचालय गोदाम घरको रुपमा प्रयोग भएको हो । नागरिक हरु शौचालय नपाएर समस्या मा छन ।
तर मेयर भने बनेका शौचालय ठेक्कामा ददियर तमासा देखाइरहेका छन । उपमहानगरले मासुमण्डीका एक मासु ब्यवसायीलाई संचालनका लागि भाडामा दिए पनि ति ब्यवसायीले शौचालयलाई गोदाम घर बनाएका छन् ।
मासु ब्यवसायले महिला र पुरुष दुवैतर्फको शौचालयमा दिनभर ताला लगाउने गरेका छन् ।
ब्यवसाय गर्नुपर्ने भएकोले शौचालयमा ताला लगाउने गरेको उनले बताए । ‘दिनभर कुरेर बस्न नसकिने भएकोले ताला लगाउन परेको हो,’ ति ब्यापारीले निर्धक्कसँग भने ।शौचालयमा ताला लागेपछि सर्वसाधारण खुल्ला ठाउँमा शौच गर्न बाध्य भएका छन् । शौच गर्नका लागि बनाइएको शौचालयमा ताला लगाइएपछि खुल्ला ठाउँमा शौच गर्दै आएको मासुमण्डीका एक ब्यापारीले बताए ।
नजिकै शौचालय छ, तर सधैँ बन्द हुन्छ । शौच गर्नका लागि पो शौचालय बनाइएको होला । बन्द गरेर राख्नका लागि त होइन होला,’ ति मासु ब्यापारीले भने । शौचालय भित्र खसी, बोका, मासु काट्ने सामग्री, बोरा, साइकल लगायतका सामान शौचालय ठेक्का लिएका ब्यक्तिले राख्ने गरेका छन् । ‘शौचालयलाई गोदाम घर बनाइएको छ,’ स्थानीय एक ब्यापारीले भने, ‘धेरै रकम खर्च गरेर निर्माण भएको शौचालयको उचित प्रयोग हुन सकेको देखिदैन ।’
Discussion about this post