बाँके माघ १२ गते ।
जनता समाजवादी पार्टी (जसपा) बाँकेको राजनीतिक तथा बैचारिक प्रशिक्षण कार्यक्रम आजदेखि नेपालगन्जमा सुरु भएको छ । जसपा जिल्ला समन्वय समिति बाँकेको आयोजनामा सुरु भएको प्रशिक्षण कार्यक्रममा पार्टी अध्यक्ष उपेन्द्र यादवले सम्वोधन गर्ने कार्यक्रम रहेको छ ।
पूर्व शहरी बिकास मन्त्री तथा जसपाका केन्द्रीय कार्यकारिणी सदस्य मोहम्मद इस्तियाक राईको विशिष्ट अतिथिमा दुई दिनसम्म चल्ने उक्त प्रशिक्षणको उद्घाटन सत्रमा पार्टीका प्रभावशाली नेताहरुले सम्वोधन गर्ने कार्यक्रम तय भएको छ । पार्टीका जिल्ला अध्यक्ष कमरुद्धिन राइको सभापतित्वमा सुरु भएको कार्यक्रमको संचालन जिल्ला उपाध्यक्ष राजन रानामगरले गर्नुभएको छ ।
उक्त प्रशिक्षण कार्यक्रममा पूर्व उपप्रधानमन्त्री समेत रहेका अध्यक्ष यादव, पूर्व शहरी बिकास मन्त्री तथा जसपाका केन्द्रीय कार्यकारिणी सदस्य मोहम्मद इस्तियाक राई, प्रदेश सभा सदस्य बिजय बहादुर यादव, नरैनापुर गाउँपालिकाका अध्यक्ष इस्तियाक अहमद शाहलगायतका नेताहरुले सम्वोधन गर्ने कार्यक्रम छ । दुई दिने प्रशिक्षणमा खासगरी पछिल्लो राजनीतिक तथा बैचारिक अवस्थाका बिषयमा प्रशिक्षण दिइने छ ।
Discussion about this post