बाँके फागुन १ गते ।
जडीबुटी किसानको लागि सरकारले सहयोग नगरेको गुनासो गरिएको छ । नेपालगन्जमा शनिवार आयोजित नेपाल जडीबुटी ब्यावसायी संघको बार्षिक साधारणसभामा बोल्ने सहभागीहरुले सो गुनासो गरेका हुन् । किसानहरुलाई राज्यले सेवा सुविधा नदिएका कारण जडीबुटी उत्पादन पर्याप्त हुन नसकेको उनीहरुको भनाइ थियो ।
संघको २१ तथा २२ औं बार्षिक साधारणसभा नेपालगन्जमा सम्पन्न भएको हो । संघका अध्यक्ष मोहम्मद याकुब अन्सारीको अध्यक्षतामा भएको कार्यक्रमको प्रमुख अतिथिमा प्रदेशसभा सदस्य भुवानेश्वर चौधरी रहनु भएको थियो । कोभिड–१९ का कारण गतबर्ष साधारण सभा हुन सकेकोले यसबर्ष दुबै बर्षको साधारणसभा एकैसाथ गरिएको आयोजकले जनाएको छ । कार्यक्रममा संघका सदस्य रहेका बिभिन्न जिल्लाका अध्यक्ष एवँ प्रतिनिधीहरुको सहभागिता रहेको थियो ।
कार्यक्रमको उद्घाटन गर्दै प्रमुख अतिथिमा चौधरीले जडीबुटी क्षेत्रको बिकासमा प्रदेश सरकार निरन्तर प्रयासरत रहेको बताउनुभयो । उहाले कोभिडको कारणले अन्य क्षेत्रसंगै जडीबुटी ब्यवसायपनि मारमा परेको चौधरीको भनाई छ । उहाँले प्रदेश सभाको बैठकमा आफुले त्यसबाट उत्पन्न समस्याको समाधानका लागि पहल गर्ने प्रतिबद्धता जनाउनुभयो ।
जडीबुटी क्षेत्रलाई प्रदेश तथा संघिय सरकारले उचित प्राथमिकता दिन नसकेको बताउदै संघका अध्यक्ष अन्सारीले जसका कारण जडीबुटी ब्यवसाय मर्कामा परेको उल्लेख गर्नुभयो । अध्यक्ष अन्सारीले जडीबुटी क्षेत्रको बिकास र सम्बद्र्धन गर्नका लागि अहिलेको सरकारी निती पर्याप्त नभएको भन्दै त्यसलाई समयानुकुल परिवर्तन गर्नुपर्ने धारणा राख्नुभयो ।
कार्यक्रममा जडीबुटी क्षेत्रको बिकासमा उल्लेखनीय योगदान पु¥याउने जिटिजेड संस्था लगायत १० जना जडीबुटी ब्यावसायीहरुलाई सम्मान समेत गरिएको थियो ।
उदघाटन सत्रपछि भएको बन्द सत्रमा प्रस्तुत गरिएको आर्थिक तथा सांगठनिक प्रतिबेदन लगायतका एजेण्डाहरु सर्बसम्मतले पारित भएको अध्यक्ष अन्सारीले जानकारी दिनुभयो । उहाँले संघको बैठकबाट रिक्त रहेको उपाध्यक्ष पदमा मान बहादुर ओली तथा कोषाध्यक्ष पदमा मोहम्मद यासिन अन्सारी निर्बिरोध चयन गरिएको समेत जानकारी दिनुभयो ।
Discussion about this post