बाँके फागुन २ गते ।
कोरोनाको त्रास लगभग सकिएको छ । नेपालमा ठूलठूला आमसभा भइरहेका छन् । छिमेकी देश भारतमा पनि कोरोनाको त्रास छैन् । त्यहाँ सबै क्षेत्र नियमित छ । नेपालमा पनि सबै क्षेत्र नियमित भइसक्यो । तर सीमावर्ति नाका भने पूर्णरुपमा नियमित हुन सकेको छैन् । पहुँच हुनेलाई नाका जतिबेला पनि खुल्लै छ । तर पहुँच नहुनेका लागि भने नाकामा कडाइ धेरै छ । अनावश्यक दुख र झनझट बेहोर्नु परिरहेको छ ।
नेपालगन्जको जमुनाह नाकाको व्यवस्थापनमा बाँकेको प्रहरी प्रशासन देखि लिएर उपमहानगरपालिका समेत चासो दिन नसक्दा एसएसवीको पीडा नेपालीहरुले खेपिरहेका छन भने वारि सशस्त्र प्रहरीको अशुली धन्दा रामै्रसँग मौलाइरहेको छ । नाकामा प्रहरी, प्रशासन, जनप्रतिनिधिहरु निर्वाधरुपमा गाडी लिएर रुपैडिया पुग्ने गर्छन परसपुरका एक स्थानीय भन्छन् तर सर्वसाधरण र पहुँच नभएका नेपालीहरु वारी नै सवारी साधन थन्क्याएर जमुनाह नाकादेखि पैदल हिडेर रुपैडिया जाने गरेका छन्।
एसएसवीले सवारीसाधन लैजान नदिन नेपाली नागरिकहरुले ठूलो कष्ट सहनु परेको छ । त्यसका लागि स्थानीय प्रशासनले समन्वय र सहजिकरण गर्न सकेको छैन् । भारतीयहरु भने मोटरसाइकल तथा गाडी लिएर सहजै नेपालगन्ज आइरहेका छन् । नाकामा भएको यस्तो गतिविधि देखिरहेका प्रत्यक्षदर्शी भन्छन् त्यही भारतीय एसएसवीले नेपाली गाडी पारि जान दिदैन तर नेपाल प्रहरी र सशस्त्र प्रहरीले भारतीय गाडीलाई किन निर्वाध आउन दिन्छ ? विहेवारीमा जान लाग्दा समेत सिडियोको अनुमति लिनु पर्छ । नत्र एसएसवीले जान दिदैन् । सिडियोसम्म पहुँच नहुनेहरु जन्ती समेत हिडेरै जाने गरेको पाइएको छ।
गरिवका छोराछोरीलाई नियम र कानुन लाग्ने रहिछ ठूलालाई नियम कानुन लाग्ने नरहिन्छ ती स्थानीयले खोजखवरलाई भने नाकामा सर्वसाधरणले पाउनु दुख पाए ।
भारतको नानपारा निवासी अजहर मलामीका लागि नेपाल आए । नानपारामा कोरोनाको खासै प्रभाव छैन् । नेपाल भित्र पनि केही छैन सबै पहिलै जस्तो छ । तर नाकामा दुख दिने काम भएको भन्दै उनी आक्रोशित छन । एक वर्ष अगाडि हामी आउदा मोटरसाइकल सरसर आउथे अहिले त बडा कडाई छ उनले भने पहुँच वाला र पहिचान भएकालाई मात्रै आउन दिने हामीलाई किन यस्तो पीडा । उनले रुपैडिहा मै मोटरसाइकल राखेर मलामीका लागि नेपालगन्ज आएको बताए । एसएसवीले अनावश्यक दुख दिने गरेको उनले बताए । यो सब देखेर दिक्क लागिसक्षो नेपाल र भारतको रोटिबेटिको सम्बन्ध हो अव दुई देशका पहुँचविहीन नागरिकहरुलाई यसरी दुख दिनु भएन् नाका पुर्णरुपले खोल्नु पर्छ उनले भने ।
किनमेलका लागि प्रहरी समेतको गाडी रुपैडिहा पुग्ने गर्छन । उनीहरुले गाडी लगेर जाँदा कोरोना हुने रहिन्छ बाँके कोहलपुरकी सिता भन्छिन् हामीहरुको गाडी लैजादा कोरोना आउने रहिछ यो कस्तो विडम्वना हो । हात जोडेर पिडा सुनाएर जमुनाह नाकाबाट स्कुटी लिएर पुग्छौं तर रुपैडिया नपुग्दै एसएसवीले रोक्छ । केरकार र धम्की दिन्छ । कति दुख दिएको हो यो नाकामा ? उपचार भारतमा गराएपछि औषधि त्यही लिन जानु पर्छ । नेपालमा पाइदैन् । औषधि लिन जाँदादेखि आउँदासम्म एसएसवीको हप्कीदप्की खानु पर्ने नेपालीहरु बताउँछन् ।
किनमेलका लागि जाँदा पनि उस्तै समस्या झेलनु परेको सर्वसाधरणहरु बताउँछन् । नेपाली बजारमा सबै महंगो छ तर रुपैडियाँमा जान मुस्किल पर्छ । बाँकेका प्रहरी प्रशासन र जनप्रतिनिधिहरुले प्रभावकारी भूमिका निर्वाह नगर्दा नेपालीहरुले दुख पाइरहेका छन् ।
खोजखबरसंग नेपालगञ्जका स्थानीय सुरेशले भन्छन नाकामा आए पछि निकै नौटंकी देख्न पाइन छ । सिडिबाट खसेर उनको खुट्टा भाँचियो । बहराइचमा गराए उपचार गराएर आए । औषधि लिन उनी वहराइच जान लाग्दा एसएसवीले बाटोमै झारेर पठायो । आफ्नो समस्या भन्दा पनि रिक्साबाट झारेर हिडायो । नागरिकको भनाई यति हो नाकाबाट हिडेर गएपछि कोरोना लाग्दैन् । सवारी साधन लगेर गए कोरोना लाग्छ । तर पहुँचवालाको गाडीमा भने कोरोना लाग्दैन्।
नेपालगन्जका नेकपा नेता गोपाल पुन पनि यो समस्या समाधानका लागि नाकामा प्रहरी प्रशासनले सहजिकरण गर्नुपर्ने बताउँछन् । पारि एसएसवीले नेपालीलाई कडाइ गरेजस्तै वारि सशस्त्रले पनि कडाइ गर्नुपर्ने उनको भनाइ छ । यो बिषयमा खोजखबरले जमुनाह प्रहरीका इन्चार्ज बिष्णु गिरिलाई जिज्ञासा राख्दा माथिको आदेश भनेर जवाफ दिए । चैत महिना देखि बन्द नाका अहिले सहज हुन्दै छ अब बिस्तारै सबै सहज हुने उनको भनाइ छ ।
Discussion about this post