ताहिर शेषराई ( साहिल)
बाँके फागुन ३ गते ।
बाँकेको जानकी गाउँपालिका मातहतका सामुदायिक विद्यालय, मदरसा तथा बालबिकास लगायत अध्ययनरत विद्यार्थीलाई लक्षित गरी घोषणा गरिएको दिवा खाजा कार्यक्रम सुरु गरिएको छ ।
अब सामुदायिक विद्यालय तथा मदरसामा अध्ययनरत देशभरका विद्यार्थीले विद्यालयमा खाजा खाँदै पठनपाठन अगाडि बढाउन पाउने भएका छन् ।
कोरोना भाइरसको प्रकोप न्यून हुँदै भौतिक रूपमा विद्यालय सञ्चालन हुन थालेपछि विद्यालयमा दिवा खाजा सुरु गरिएको हो ।
कोरोना पश्चात् जानकी गाउँपालिका मातहतका विद्यालयहरु भौतिक रूपमा पुष १९ गतेबाट सञ्चालन आए लगत्तै विद्यालयमा भर्खरै मात्र दिवा खाजा कार्यक्रम सुरु गरेको छ । सोहि अनुसार एक विद्यार्थीलाई बढीमा १८० दिनका लागि खाजा रकम उपलब्ध गराइनेछ ।
कोरोनाको प्रभावका कारण विद्यालय पुनः सञ्चालनमा आउनसाथ विद्यालयमा विद्यालय खाजाको समस्या नहुने शिक्षा शाखा अधिकृत प्रतिभा ओली खड्काले खोजखबरलाई जानकारी दिनुभयो । यसका लागि विद्यालयले प्रतिदिन प्रत्येक विद्यार्थी १५ रुपैयाँका दरले खर्च गरी रकम निकासाको माग गरेपछि विद्यालयको खातामा एक साता भित्र पठाइनेछ ।
विद्यालयले विद्यार्थीलाई खाजा खुवाएपछि पछिल्लो महिना निकासाका लागि निवेदन दिनुपर्ने लेखा अधिकृत मतीन अन्सारीले बताए ।मदरसा तथा सामुदायिक विद्यालयमा गरिब तथा विपन्न वर्गका विद्यार्थीको उपस्थिति उच्च हुने गरेकाले दिवा खाजाले सकारात्मक प्रभाव पर्ने विश्वास व्यक्त गरेका छ्न । सो विद्यालयमा अध्ययनरत गरिब तथा विपन्न वर्गका विद्यार्थीलाई लक्षित गरी ल्याइएको दिवा खाजा कार्यक्रम स्वागतयोग्य भएको ओलीले बताउनु भयो ।
Discussion about this post