बाँके फागुन ४ गते ।
बाँकेको राप्तिसोनारी गाउँपालिका वडा नम्बर दुइका जनप्रतिनिधि ज्ञानेन्द्र राज ओलीले आफुले प्राप्त गर्ने सुबिधाको रकमबाट गाउँमा सरस्वती मन्दिरको स्थापना गरेका छन् ।
गत बर्षको सरस्वती पुजाको दिन सिलन्यास गरिएको सरस्वती मन्दिरको मंगलबार बिधिवत रुपमा ओलीले उद्घाटन गरेका छन् ।
राप्तिसोनारी गाउँपालिका वडा नम्बर दुइका निर्वाचित सदस्य समेत रहेका बाँकेका युवा नेता ज्ञानेन्द्र ओलीले मन्दिर निर्माणका लागी दुई लाख २८ हजार रुपैयाँ सहयोग गरेका छन् ।
राप्तिसोनारी गाउँपालिका वडा नम्बर दुई शम्सेरगन्जमा रहेको श्री दुर्गा भवानी माध्यमिक विद्यालय परिसरमा रहेको उक्त सरस्वती मन्दिरको उद्घाटन गर्दै ओली आफुले मन्दिर स्थापना जस्तो पवित्र कार्य गर्न पाउँदा खुसी महसुस गरेको बताएका छन् ।
बाके जिल्लामा सहयोगी र युवाहरुको लागि प्रेरणा बन्न सफल जनप्रतिनिधिको रुपमा आफ्नो छबि बनाएका ओलीले कोरोना कहरका बेला आफ्नो वडा भरी नै मास्क, साबुन तथा राहत आवश्यक परेको घरपरिवारको लागि राहतको समेत ब्यवस्था गरेका थिए ।
स्थानिय विद्यालयमा सरस्वती मन्दिरको आवश्यकता महसुस भएको बेला युवा नेता ओलीको पहलमा विद्यालयमा सरस्वती मन्दिर स्थापना गरे पछि स्थानिय समेत खुसी बनेका छन् ।
मन्दिर उद्घाटन कार्यक्रमका प्रमुख अतिथि समेत रहेका राप्तिसोनारी गाउँपालिका वडा नम्बर दुइका अध्यक्ष मदन ओलीले युवा नेता तथा वडा सदस्य ज्ञानेन्द्र राज ओलीले गरेको कार्य पवित्र र जिल्लामै उदाहरणीय रहेको बताएका छन् ।
‘हाम्रो वडाले ज्ञानेन्द्र राज ओली जस्तो जनप्रतिनिधि प्राप्त गर्नु हाम्रो शौभाग्य हो, अहिले देश भर नै जनप्रतिनिधिहरुले सुबिधा माग गर्दै आएका बेला युवा नेता ओलिले आफ्य्ले प्राप्त गर्ने सुबिधाबाट धार्मिक तथा शैक्षिककार्यमा लगानी गर्नु भयो यो भन्दा अर्को पबित्र कार्य के नै हुन सक्छ र ?, वडा अध्यक्ष ओलीले बताए ।
सरस्वती पुजाकै दिन सिलन्यास गरेर सरस्वती पुजाकै दिन मन्दिर उद्घाटन गरिएको कार्यक्रममा विद्यालय ब्यवस्थापन समितिका अध्यक्ष डिल्ली बहादुर गिरि, विद्यालय ब्यवस्थापन समितिका सदस्यहरू रुद्र बहादुर ओलि,चन्द्रा दहित, चित्रा खड्का, लाल कुमारी घर्ती, टीका कुमारी बिक, तुलाराम खत्री, विद्यालय ब्यवस्थापन समितीका सचिव देव बहादुर थापा, दल बहादुर खड्का तथा स्थानिय, विद्यार्थी तथा शिक्षक-शिक्षिका समेतको उपस्थिति रहेको थियो ।
Discussion about this post