बाँकेमा खै निषेधाज्ञा कार्यान्वयन भएको ?

जावेद अन्सारी
बाँके वैशाख ३० गते ।
बाँके कोरोनाको हटस्पट बनेको छ । दैनिक १० देखि १८ जनासम्म मानिसको मृत्यु भइरहहेको छ। उपचार नपाएर कतिपयले ज्यान गुमाइरहेका छन् । भाइरस संक्रमणको चेन ब्रेक गर्न स्थानीय प्रशासनले तीन हप्तादेखि निरन्तर निषेधाज्ञा जारी गरिरहेको छ ।

तेस्रो पटक जेठ तीन गतेसम्म निषेधाज्ञा जारी गरिएको बाँके प्रशासनले जनाएको छ । तर संक्रमितको संख्या घटेको छैन्। मृत्युदरमा कमी आएको छैन्। कोरोना संक्रमणको सुरुवाती दिनमा लापरबाही गरेको प्रशासन र स्थानियले कोरोना संक्रमणको दर बढे संगै निषेधाज्ञा घोषणा गरे पनि त्यसको कार्यान्वयन भने हुन सकेको छैन्।

विहान साँझ तरकारी तथा खाद्यान्न किनमेलका लागि प्रशासनले केही समय छुट दिएको छ । तर त्यही मौकामा काम नपरे पनि स्थानिय घुमफिर गर्न निस्कने गरेका छन् । प्रहरी पनि मुड चले चेकजाँच गर्ने मुड नचले नगर्ने गरेको देखिन्छ । प्रशासनको झनै कुरै नगरौ उ हप्तामा एक चोटि सुचना जारी गर्छ, निषेधाज्ञा एकहप्ता थप्छ, अनि उ त्यही रातो सेतो घरमै हराउछ ।

अनि मेरो जिल्लामा दैनिक मर्नेहरुको संख्या बढ्दै जान्छ । बाँकेमा खै निषेधाज्ञा ? कति खुकुलो छ निषेत्राज्ञा ? किन कडा भएन निषेधाज्ञा ? भाइरस संक्रमणको चेन ब्रेक गर्न निषेधाज्ञाको विकल्प थिएन् ।