खोजखबर संवाददाता
असार ११ गते । विद्यमान कानुनका बारेमा नेपालगन्ज उपमहानगरपालिकाका २३ वटै वडाका दलित, अल्पसंङख्यक तथा सिमान्तकृत समुदायका जनप्रतिनिधिलाई क्षमता अभिवृद्विका लागि २ दिने तालिम आजबाट सुरु भएको छ ।
तालिमको उत्घाटन सत्रमा बोल्दै नेपालगन्ज उपमहानगरपालिकाका प्रमुख डा. धवल शम्सेर राणाले उक्त तालिमबाट सहभागी जनप्रतिनिधिले नेपालमा विद्यमान विभिन्न कानुन बारे जानकारि पाउनेभएको हुंदा दलित, अल्पसंङख्यक तथा सिमान्तकृत समुदायको हक र अधिकारका निमित्त काम गर्न सजिलो हुने बताए ।
उत्घाटन सत्रमै बोल्ने क्रममा कार्यक्रमका अध्यक्ष तथा कार्यपालिका सदस्य देउमल सुनारले सुचनाको अभाव र कानुनि प्रवधानबारेको अनविज्ञताले पनि कतिपय कामहरु गर्दा अफ्ठेरो हुनेगरेकोले यो तालिम लाभदाई भएको जिकिर गरे ।
नेपालगन्ज उपमहानगरपालिकाको आयोजनामा भएको उक्त तालिममा मधेसी मुस्लिम महिला मन्च नेपालले सहजिकरण गरेको छ ।
नेपालगन्ज उपमहानगरपालिका नगर कार्यपालिका सदस्यद्वारा सन्चालित लक्षीत वर्ग अन्तरगत उक्त तालिम आजबाट सुरु भएको हो ।
आजदेखि नेपालगन्जमा सञ्चालनमा रहेको सो तालिममा मानव अधिकारकर्मि तथा अधिवक्ता विश्वजित तिवारीले विद्यमान कानुनका विषयमा तालिममा कार्यपत्र प्रस्तुत गरेका थिए ।
उक्त तालिम बाट नेपालगन्ज उपमहानगरपालिकाका २३ वटै वडाका दलित, अल्पसंङख्यक तथा सिमान्तकृत समुदायका जनप्रतिनिधिको कार्य क्षमता अभिवृद्वि हुने अपेक्षा आयोजकले लिएको छ ।
Discussion about this post