खगेन्द्र दाहाल,
बाँके भदौ ३१ गते । बाँके जिल्लामा सन्चालन गरीने कृषि कार्यक्रम सार्वजनिक गरीएको छ । कृषि ज्ञान केन्द्र नेपालगन्जले आज एक कार्यक्रमको आयोजना गरी बार्षिक कार्यक्रमको सार्वजनिक गरेको हो । ज्ञान केन्द्रले स्थानिय तह सगं समन्वय गरी कृषिका कार्यक्रमहरु सन्चालन गर्ने ज्ञान केन्द्रका प्रमुख सागर ढकालले जानकारी दिनुभयो ।
ज्ञान केन्द्र मार्फत बाँके र बर्दिया जिल्लामा हुने कार्यक्रमको जानकारी गराइएको थियो भने स्थानिय पालिकाहरुमा रहेको कृषि शाखाले आ–आफ्नो कार्यक्षेत्रका लागी छुटाईएको बजेट र कार्यक्रम सार्वजनिक गरेका थिए । प्रदेश नम्बर ५ सरकारका भुमि,कृषि तथा सहकारी मन्त्रालयका मन्त्रि आरति पौडेलको प्रमुख आतित्थमा सम्पन्न कार्यक्रम सार्वजनिकिकरण तथा समन्वय बैठकमा कृषि ज्ञान केन्द्र मार्फत बाँके बर्दियाका लागी १२ करोड ९० लाखको कार्यक्रम सन्चालन हुनेछ ।
जसमा बाँके र बर्दियामा समान रुपमा उक्त बजेट खर्च गरीने ज्ञान केन्द्रले जनाएको छ । त्यस्तै बाँकेमा रहेको ८ वटा स्थानिय तहको कृषि शाखाको एकमुष्ठ बजेट हेर्दा ७ करोड ९९ लाख कृषि कार्यक्रमका लागी सन्चालन गर्न बजेट छुट्याएको छ । बाँकेमा मात्र १४ करोड ४४ लाख बढि बजेट यस वर्ष कृषिको विकासका लागी ज्ञान केन्द्र र स्थानिय तहले छुट्याएका छन ।
कृषिको बजेट बाँकेमा कोहलपुर नगरपालिकाले अन्यभन्दा बढि छुट्याएको छ । कोहलपुरले कृषि शाखा मार्फत १ करोड ५१ लाख बजेट विनियोजन गरेको छ । त्यस्तै ः जानकी गाउँपालिकाले १ करोड ३५ लाख , राप्ती सोनारी गाउँपालिकाले १ करोड १५ लाख, बैजानाथ गाउँपालिकाले १ करोड १० लाख, नरैनापुर गाउँपालिकाले ८० लाख ५० हजार, नेपालगन्ज उप महानगरपालिकाले ७४ लाख, खजुरा गाउँपालिकाले ७० लाख, डुडुवा गाउँपालिकाले ६४ लाख बजेट कृषिको विकासमा छुट्याएको छ ।
कार्यक्रम सार्वजनिकिकरणमा बोल्दै कृषि मन्त्रि पौडेलले कृषिको क्षेत्रमा बाँकेलाई उत्कृष्ठ बनाउन सहकार्य समन्वय गर्न आग्रह गर्नुभएको थियो ।
कार्यक्रममा जिल्ला समन्वय समितिका संयोजक अजय श्रीवास्तव, राप्ती सोनारी गाउँपालिकाका अध्यक्ष लाहुराम थारु, नरैनापुर गाउँपालिकाका अध्यक्ष मो.इस्तियाक शाह, खजुरा गाउँपालिकाका कार्यबाहक अध्यक्ष एकमाया विक, कृषि निर्देशनालय प्रदेश नम्बर ५ का निर्देशक याम नारायण देवकोटा, आठ वटै स्थानिय तहमा कार्यरत प्रकाशकिय अधिकृत, कृषि शाखाका कर्मचारी, पत्रकार लगाएतको उपस्थिती रहेको थियो ।
Discussion about this post