खोजखबर संवाददाता
बाँके भदौ ३१ गते । नेपालगन्जका शिक्षकहरुलाई योग शिक्षाबारे प्रशिक्षण दिइएको छ ।
विद्यालय पाठ्यक्रममा योग शिक्षा समावेश भएपछि शिक्षकहरुमा योग सीप विकासका लागि सो तालिम दिइएको हो।
नेपालगन्ज उपमहानगरपालिकाको आर्थिक सहयोगमा नेपाल शिक्षक महासंघ नेपालगन्ज नगरसमितिद्वारा ५ चरणमा सो तालिम संचालित गर्दै नेपालगन्ज क्षेत्र अन्तरगतका कतिपय विद्यालयका शिक्षकहरुलाई सो प्रशिक्षण दिइएको छ।
प्रशिक्षणमा सामुदायिक , संस्थागत , धार्मिक विद्यालयतर्फसहितका गरि १ सय ६५ जना बढीको सहभागिता रहेको सो प्रशिक्षण तालिम मंगलबार एक कार्यक्रमबीच सम्पन्न भएको छ। गत साउन ७ गतेदेखि चरणवद्धरुपमा स्थानीय किन्नु काशीराम कसौंधन धर्मशालामा संचालित सो तालिमको समापन अवसरमा नगर शिक्षा शाखा प्रमुख गोर्ख थापाले सहभागीहरुलाई प्रमाणपत्र प्रदान गर्दै योग शिक्षा सीप विद्यालयमा पनि प्रयोग गर्न आग्रह गर्नुभयो।
सो अवसरमा तालिमका प्रशिक्षक कृष्णदेवी पाण्डे तथा सहयोगी किन्नुराम धर्मशालाका अध्यक्ष नन्दलाल वैश्य,सचिव घनश्याम वैश्यलाई दोसल्ला ओढाइ कदरपत्र प्रदान गर्दै सम्मानित पनि गरिएको थियो। उहाँहरुलाई प्रमुख अतिथिरहनुभएका नगर अध्यक्ष गोर्ख थापा तथा नगर अध्यक्ष मनोजराजा श्रीवास्तवले सम्मानित गर्नुभएको थियो। कार्यक्रममा नेपालगन्ज उद्योग व्यपार संघ अध्यक्ष नन्दलाल वैश्य,शिक्षक संघ बाँके अध्यक्ष वीरेन्द्र यादव, शिक्षक महासंघ बाँके सहअध्यक्ष प्रकाश आचार्य, नेपालगन्ज नगर शिक्षा समिति सदस्य किरण आचार्य, शिक्षक संघ सल्यान अध्यक्ष एकराज बुढाथोकी ,प्रधानाध्यापक रमेश श्रीवास्तव, बुद्धिजीवी डा. विजय प्रधानलगायतको उपस्थिति रहेको थियो। नेपाल शिक्षक महासंघ नेपालगन्ज नगर अध्यक्ष मनोजराजा श्रीवास्तवको अध्यक्षतामा सम्पन्न समापन समारोहलाई सह-सचिव सुष्मिता शर्माले स्वागत गर्नुभएको थियो भने कार्यक्रमको संचालन सचिव षडानन्द शर्माले गर्नुभएको थियो।
Discussion about this post