बाँके साउन २२ गते ।
अव चाडपर्वको मौसम सुरु हुदैछ । जनैपूर्णिमा, कृष्णाअष्टमी, तीजलगायतका पर्वहरु नजिकिन थालेपछि बजारमा चहलपहल बढ्न थालेको छ । किनमेलको चटारो सुरु हुन लागेको छ ।
खासगरी महिला दिदी बहिनीहरु किनमेलका लागि रुपैडिहा जानेक्रम बढेको छ । कोरोना संक्रमणको तेस्रो लहरको आकलन गरिरहेको बेला नेपालगन्जको सिमानाका जमुनाह भएर खरिदारिको लागि भारतीय सिमावर्ती बजार रुपैडिहा जानेको संख्यामा बृद्दी भएको छ ।
दैनिक उपभोग्य खाद्य सामाग्री, लत्ताकपडा, पेय पदार्थ खरिद तथा औषधि उपचारका लागि नेपालगन्जको जमुनाह भएर भारतिय सिमावर्ती बजार रुपहिडिहा पुग्नेहरु बढेका छन् ।नेपालगन्ज, कोहलपुर, खजुरा तथा आसपासका क्षेत्र र बाँकेका छिमेकि जिल्लाहरुबाट समेत खरिदारिको लागी रुपहिडिहा जाने क्रम बढेको छ ।
भारत तथा नेपालमा कोरोना संक्रमणको तेस्रो लहरको आकलन गर्दै उच्च सुरक्षा अपनाउन सरकार तथा सम्बद्ध निकायले भनी रहदा किनमेलका लागि भारत जानेहरुको संख्यामा वृद्धि भैरहेको छ । पश्चिम नेपालको लुम्बिनी प्रदेश तथा कर्णाली प्रदेशका पहाडि जिल्लाबाट रोजगारिको खोजिमा भारत जानेहरुको संख्यामा केही कमि आएको बेला पुनः किनमेलका लागि भारत जानेको क्रम बढेको छ ।
जिल्लामा कोरोना संक्रमणको दर दोस्रो लहर पछि केही कम भए संगै बाँकेमा सावधानी अपनाउन छोडिएको छ भने स्वास्थ्य मापदण्डको समेत धज्जी उडाइएको छ । यता दैनिक रुपमा जिल्लामा कोरोना संक्रमणको ग्राफ उकालो लाग्दै गरेको छ भने बजार र स्वास्थ्य मापदण्डको सवालमा लापरबाही गरिदै आएको छ ।
भिडियो सहित हेर्नुस् ।
Discussion about this post