बाँके भदौ ११ गते ।
गएरातीको भारी बर्षाले नेपालगन्जका अधिकांश क्षेत्र डुवानमा परेका छ्न। नेपालगन्जको न्युरोड, डिएसपी रोड, बेलासपुर, फुलटेक्रा, सल्यानीबाग, बाँके गाउँ, एमपी स्कुल, राझाको नयाँ बस्तीलगायतका क्षेत्र डुवानमा परेका हुन।
नेपालगन्ज उपमहानगरपालिका- ७ र ६ का स्थानीय सबभन्दा बढि पीडित छ्न । ढलको निकास नहुदा पानी घरभित्र पसेको छ ।
अब्बल वडाको वकालत गर्दै आएका वडाअध्यक्ष जुम्मन खानको वडामा पानीको चहला छ । बिकास निर्माणको काममा ९५ प्रतिशत सफलताको घोषणा गर्ने खानको वडा पुरै डुवानमा छ । स्थानीय तनाबमा छ्न।
ढल र नाला निकासको काम नहुदा नागरिकले दुख पाएका हुन । वडा ६ का अध्यक्ष समीर प्रताप सिंहको लापरबाहीले फुलटेक्रा पनि जलमग्न भएको छ ।
समस्या समाधानका लागि आग्रह गर्दा पनि समाधान नभएको स्थानीयको भनाइ छ । नेपालगन्जका मेयर धवल शम्शेर राणाले डुवानमुक्तको घोषणा गरेपनि नेपालगन्जले एक झरी पानी थेक्न सकेन ।
वडा नम्बर ७ मा वडा अध्यक्ष खानको लापरबाही र मनोमानिका कारण वडा बासिको घर भित्रै पानी पसेको भन्दै वडाबासी आक्रोशीत भएका छन् ।
लगातारको वर्षा अनि अध्यक्ष खानको मनोमानिका कारण आफ्नो घर मात्रै नभएर पुरै वडा नै डुबानमा परेको स्थानीय बताउँछन्।
मोहन बहादुर क्षेत्रीले डुबानका कारण घर भित्र पानी छिरेकोले बस्न खान समस्या अनि बच्चाबच्ची डुब्ने अनि सर्प र जुकाले टोक्ने समस्या भएको बताउनुभयो ।
अध्यक्ष खान अनि नेपालगन्ज उपमहानगरपालिकाका ओभरसियरहरुको साटकाटले ढल निकास निर्माणको लागि आएको बजेट हिनामिना भएको उहाँको आरोप छ ।
यस्तै अर्का स्थानिय ओम प्रकाश कश्यबले आफ्नो पदको दुरुपयोग गर्दै पहिले टोलमा जम्मा हुने पानी वडा नजिकैको तलाबमा जम्मा हुने गरेको तर अध्यक्ष खानले मनोमानी तरिकाले त्यो ताल पुरेदेखी बर्सेनि पानीको निकास नहुदा वडा डुबानमा परेको बताउनुभयो ।
उनले वडा अध्यक्ष खानको मात्र लापरबाही नभएर उपमहानगरपालिकाका कर्मचारिको समेत लापरबाही भएको जिकिर गर्नुभयो ।
त्यस्तै अर्का स्थानिय प्रशान्त श्रेष्ठले वडा अध्यक्षले वडाको बिकास निर्माणका कार्यमा आफू लगायत कोहि सङ्ग पनि समन्वय नगरी मनोमानी तरिकाले सानो सानो ढकनदार नाली बनाएको जस्का कारण पानी पास हुन नभाएर ढल थुनिदा सर्वसाधारणलाई दुख खेप्नुपरेको बताउनुभयो । आफू वडा अध्यक्ष नभए पनि बर्सेनि ढल थुनिदा ढल फोडेर भएपनी पानी निकास गर्ने गरेको बताउनुभयो ।
तर अध्यक्ष खान टोलको जिम्मेवार व्यक्ति भएपनी जनतासामु नजाने उनिहरुको गुनासोको वेवास्ता गरेको स्थानीयहरुले बताउँछन् ।
उनले हामिले बारबार वडामा गुनासो सुनाउदा वडा अध्यक्ष खानले आफ्नो घर समेत डुबानमा परेको भन्दै हाम्रो कुरा नसुनेको बताउनुभयो।
त्यही वडाका अर्का बासिन्दा मनोज केसिले डुबानको कारण घरनै भत्किएको तर घर भत्किएर बेघर हुदा सम्म अध्यक्ष एकपटक भेट्न नआएको गुनासो सुनाएका थिए ।
लगातारको वर्षा अनि ढल निकास नहुदा डुबानमा रमेश चन्द्र गुप्ता, निमा, पुष्पा थापा, इस्लाम राई, मो साहेव हल्वाई , वसन्त प्रसाद केसि, कबिराम थापा लगायत सबैको घर डुबानमा परेको तर स्थानिय सरकारले चासो नदिएको गुनासो गरेका थिए ।
फोटो सहितको भिडियो कथा, घरघरमा पस्यो पानी, के भन्छन् स्थानीय ?
Discussion about this post