नेपालगन्जलाई हरित नगरी बनाउने जसपाको अभियान, थप ७० विरुवा रोपिए

बाँके भदौ १२ गते ।
नेपालगन्ज उपमहानगरपालिका २० राँझास्थित आदर्श उच्च मावि गायत्री धाममा आज बृक्षारोपण गरिएको छ । जनता समाजवादी पार्टी (जसपा)ले “रुख रोपौ वातावरण, अक्सिजन, मानव जिवन र धर्ती मातालाई बचाउ” भन्ने अभियान अन्तर्गत विभिन्न जातका ७० बढी रुख रोपिएको हो ।

जसपा नेपालका जिल्ला अध्यक्ष मोहम्मद कम्ररुद्दिन राईले रुखले वातावरणलाई स्वच्छ र सफा राख्न महत्वपूर्ण भूमिका निर्वाह गरेको बताउनुभयो । उहाँले भन्नुभयो, रुखले गर्दा पानीका श्रोता रहेको, खेती किसानी गर्न सजिलो भएको, रुख नभएको भए आज हामी भोकै मर्नु पर्थ्यो, जीवन बचाउनलाई रुखको निकै महत्त्व छ ।

संघीय सांसद तथा पूर्वमन्त्री मोहम्मद इस्तियाक राइको नेपालगन्जलाई हरित नगर बनाउने सपनालाई साकार पार्न रुख रोप्ने अभियान सुरु गरिएको पनि उहाँले बताउनुभयो । यस्तै आदर्श माबीका प्रधानाध्यापक प्रकाश आचार्यले विद्यालयलाई हरित विद्यालय बनाइने प्रतिबद्धता जनाउनुभयो । उहाँले रुख बन जङ्गलले बाताबरण बचाउनलाई निकै टेवा दिने भन्नुभयो ।

कार्यक्रममा हरित हेमन्त काफ्लेले, पुर्बमन्त्री राईको हरित अभियानलाई साथ दिदै रुख भनेको सबैको लागि हो र रुख लगाउन निकै जरुरी घरका परिवार जस्तै रुखलाई पनि प्रेम गर्नु पर्ने धारणा राख्नुभयो ।