दाङ भदौ १७ गते ।
दाङको सिस्ने खोलाले गएराति कार बगाउँदा एकै घरका दुई जनाको ज्यान गएको छ । दुई जना बेपत्ता भएका छन् ।
घोराही-लमही सडक खण्डको घोराही उपमहानगरपालिका-४ सिस्नेखोलामा आएको बाढीले कार बगाउँदा घोराही उपमहानगरपालिका-१६ का जगत श्रेष्ठकी छोरीहरु ३२ वर्षीया शुशीला श्रेष्ठ र ३० वर्षीया राधिका श्रेष्ठ कुँवरको ज्यान गएको हो ।
घोराही-१३ का ४० वर्षीया रितामाया पुन र घोराही-१४ का ४२ वर्षीया विमला केसीलाई भने बाढीले बगाएर बेपत्ता बनाएको छ । बाढीमा हराइरहेका दुवै जनाको खोजी भइरहेको प्रहरीले जनाएको छ ।
कारका चालक ४० वर्षीय नरबहादुर पुनको भने उद्धार गरिएको प्रहरीले जनाएको छ । रुपैडियामा किनमेल गरेर फर्कँदै गर्दा प्रदेश ०३– ०१ –०२४ च ४४४० नम्बरको कारलाई बाढीले बगाएको दाङका प्रहरी प्रवक्ता डीएसपी मुकुन्दप्रसाद रिजालले जानकारी दिनुभयो ।
मृतक राधा र सुशीला घोराही उपमहानगरपालिका वडा नम्बर १६ का सदस्य जगत श्रेष्ठका छोरीहरु हुन् । चालक पुनको भने खुट्टा भाँचिएको र अहिले घोराहीमा रहेको राप्ती स्वास्थ्य विज्ञान प्रतिष्ठानमा उपचार भइरहेको डीएसपी रिजालले जानकारी दिनुभयो ।
Discussion about this post