बाँके असोज १ गते ।
चाडपर्वलाई लक्षित गर्दै सरकारले आजदेखि देशका विभिन्न सहरमा सुपथ मूल्य पसल सञ्चालन सुरु गरेको छ । सरकारी स्वामित्वमा सञ्चालित खाद्य व्यवस्था तथा व्यापार कम्पनी लिमिटेडले देशका ४३ सहरमा सुपथ मूल्य पसल सञ्चालन सुरु गरेको जनाएको छ ।
यद्यपी नेपालगन्जमा भने तयारी नपुगेकाले सुपथ मूल्य पसल संचालन हुन सकेन् । बाँकेका सहायक प्रमुख जिल्ला अधिकारी शंकर विष्टले असोज ४ गते उद्योग बाणिज्य संघसँग बैठक बसेर त्यसपछि सुपथ पसल संचालन गरिने जानकारी दिनुभयो ।
वाइट शंकर खाद्य व्यापार कम्पनीले दाल, चामल, पिठो, चिउरा, तेल, नुन, फापर, सिमी, खसीबोकामा तथा साल्ट ट्रेडिङले नुन र चिनीलगायतका खाद्यवस्तु र दुग्ध विकास संस्थानले घिउ र पनिरमा छुट दिइने छ ।
सरकारले चाडपर्वको अवसरमा हरेक वर्ष दशैँ, तिहार र छठ पर्वका बेला सुपथ मूल्य पसल सञ्चालन गर्दै आएको छ । सुपथ मूल्य पसल कात्तिक २४ गतेसम्म सञ्चालन हुनेछ ।
Discussion about this post