बाँके असोज १ गते ।
बाँकेको कोहलपुर नगरपालिकामा आजदेखि विद्यालय संचालनमा आएका छन् । कोरोना संक्रमणको दोस्रो लहरसँगै बन्द भएका विद्यालय आजदेखि संचालनमा आएका हुन् ।
आजदेखि भौतिक उपस्थितिमै पठनपाठन सुरु भएको नगरपालिकाका शिक्षा शाखा प्रमुख अनन्तकुमार पौड्यालले जानकारी दिनुभयो । भौतिकरुपमै पठनपाठनको लागि विद्यालयले कोभिड–१९ जोखिमरहित वातावरण सिर्जना गर्ने र सरकारले जारी गरेका स्वास्थ्य सुरक्षा मापदण्डको पालना पूर्णरुपले गर्नुपर्ने पौड्यालले बताउनुभयो ।
विद्यार्थीले घरबाट विद्यालय जाँदा अनिवार्य मास्क लगाउने, पैदल वा बसमा विद्यालय जाँदा स्यानीटाइजरको अनिवार्य प्रयोग गर्नुपर्ने छ । विद्यालयमा पुगिसकेपछि विद्यालयले भौतिक रुपमा बस्ने व्यवस्था गर्नुपर्ने, कक्षाकोठा, बेन्च डेस्क, रेलिङलगायतमा विद्यालयले सेनिटाइज गर्नुपर्नेछ ।
कोहलपुरमा गुठीसहित ३१ वटा सामुदायिक, मन्टेश्वरीसहित ५८ वटा संस्थागत विद्यालय छन् । भाइरस संक्रमण घट्दै गएपछि यसअघि अन्य सबै पालिकाले विद्यालय संचालन गरिसकेका छन् ।
Discussion about this post