काठमाडौं असोज ११ गते ।
इन्डियन प्रिमियर लिग टी–ट्वान्टी क्रिकेट अन्तर्गत रोयल्स च्यालेन्जर्स बैंगलोरले सहज जित हात पारेको छ । आइतबार भएको खेलमा बैंगलोरले मुम्बई इन्डियन्सलाई ५४ रनले पराजित गरेको हो ।
दुबई अन्तर्राष्ट्रिय क्रिकेट मैदानमा बैंगलोरले जितका लागि दिएको १६६ रनको लक्ष्य पछ्याएको मुम्बईले १८ ओभर १ बलमा मात्र १११ रन बनायो । मुम्बईका लागि रोहित शर्माले सर्वाधिक ४३ रन बनाए ।
त्यस्तै क्विन्टन डीककले २४ रन बनाउँदा बाँकी कुनै पनि ब्याट्सम्यानले दोहोरो रन जोड्न सकेनन् । बलिङतर्फ मुम्बईका लागि हर्सल पटेलले ह्याट्रिक सहित ४ विकेट लिए ।
उनले १६औँ ओभरको पहिलो बलमा हर्दिक पाड्यालाई आउट गारए, दोस्रो बलमा काइरन पोलार्डलाई आउट गराएका पटेलले तेस्रो बलमा राहुल चहारालाई आउट गराएका हुन् ।
बैंगलोरका लागि युजभेन्द्र चहालले तीन विकेट लिँदा ग्लेन म्याक्सवेलले २ र मोहमद सिराजले एक विकेट लिए । यसअघि टस हारेर पहिले ब्याटिङ गरेको बैंगलोरले निर्धारित २० ओभरमा ६ विकेट गुमाएर १६५ रन बनायो ।
बैंगलोरका लागि ग्लेन म्याक्सवेलले अर्धशतक प्रहार गरे । ३७ बल खेलेका उनले ६ चौका र ३ छक्काको सहयोगमा ५६ रन बनाए । त्यस्तै सिखर भट्राले ३२ रन बनाउँदा एभी डिभिलियर्सले ११ रनको योगदान गरे ।
बलिङतर्फ मुम्बईका लागि जस्प्रित भुम्राहले सर्वाधिक तीन विकेट लिए । त्यस्तै आदम मिल्ने, ट्रेन्ट बोल्ट र राहुल चहारले समान एक–एक किवेट लिए । जितसँगै बैंगलोरले १० खेलमा १२ अंक जोडेको छ ।
बैंगलोर तालिकाको तेस्रो स्थानमा छ । मुम्बईको ८ अंक छ । मुम्बई अंक तालिकाको सातौं स्थानमा छ ।
Discussion about this post