बाँके असोज ३० गते ।
समाजसेवी युवा समुह फुलटेक्राले आज नवदुर्गाको मुर्ती बिसर्जन गर्ने जमातलाई पानी तथा मिठाई बितरण गरेको छ।
बडादशैको अवसरमा हिन्दू धर्मावलम्बीले नवदुर्गा भवानीको मूर्ति राखेर नौ दिनसम्म पूजाआजा गरेको मूर्ति आज शनिवार विसर्जन गरेका छन् । बिसर्जन गर्ने हजारौ भिड फुलटेक्रा हुँदै राप्ती नदिसम्म पुग्ने गरेको स्थानिय समाजसेवी ओम प्रकाश श्रीवास्तवले बताउनुभएको छ ।
युवा समुहका संयोजक भरत बहादुर बर्मा ( गुड्डुको ) नेतृत्वमा उक्त युवा समुहले शुद्ध पेयजल बितरण कार्यक्रम गरेको हो ।
तराई क्षेत्रमा दुर्गापुजा गर्ने प्रचलन छ, र दशैको भोलिपल्ट अर्थात एकादशिको दिन दुर्गा पुजाकामुर्तिहरु पायक पर्ने खोला र नदिमा भत्तजनहरु सेलाउन जाने गर्दछ्न ।
बाँके जिल्ला त्यो माथी नेपालगन्ज शहर सद्भावको शहरको रुपमा परिचित छ, त्यसैले हिन्दू धर्मावलम्बीहरुले मनाउने वडादशै अन्य धर्मावलम्बीहरुले पनि सौहाद्रपूर्ण वातावरणमा मनाउदै दुर्गा बिसर्जन कार्यक्रममा सबै धर्मका युवाहरु हर्षउल्लासका साथ सामेत भएको र भिडभाडलाई व्यवस्थित बनाउन समुहले सहयोग समेत गरेको युवा समुहका संयोजक बर्माले जानकारि दिनुभयो ।
मुर्ती विसर्जन कार्यक्रममा मुस्लिम युवाहरुको उत्तिकै सहभागिता रहेको थियो।
Discussion about this post