बाँके कार्तिक १८ गते ।
नेपालीहरुको दोश्रो महान् पर्व तिहार आएपछि नेपालगन्जमा माटोका भाडा बनाउँदै आएका कुमाले समुदायलाई पाला बनाउन र बिक्री गर्न भ्याइनभ्याइ भएको छ ।
पालाको माग धेरै हुने तिहार शुरु भइसकेकाले यहाँ पाला बनाउँदै आएका कुमाले समुदायका सिंगो परिवारलाई यतिखेर पाला बनाउन भ्याइ नभ्याइ भएको छ ।
वर्षभरिमा राम्रो आम्दामी गर्ने समय नै यही हो भन्दै त्रिभुवन चोकदेखि त्रिवेणीमोडसम्म थापिएको पाला पसलकी सीता कमालले यो मौकालाई गुम्न नदिन स–परिवार विहानै देखि रात नपरेसम्म काममै व्यस्त हुने गरेको बताउनुभयो ।
उहाँले यस वर्ष ५ हजार पाला बनाएर बिक्री गरेको बताउनु भयो । पाला पूजामा प्रयोग हुने धुपौरो, घैँटो बनाउन ब्यस्त उहाँले यस वर्ष साना र ठूला दुबै प्रकारको पालाको माग बढेकाले माग अनुसारको उत्पादन गर्न निकै गाह्रो भएको बताउनु हुन्छ ।
तीन वर्ष अगाडिसम्म तिहारमा एकसय वटा पालाको ९० रुपैयाँदेखि एक सय १० रुपैयाँसम्म बिक्री हुने गरे पनि यसवर्ष भने पालाको पनि मूल्य बढेको छ ।
यस वर्ष व्यापारीलाई होलसेलमा प्रति पाला रु. ३ मा बिक्री गरेको उहाँको भनाइ छ । पछिल्लो समय विद्युतिय पालाहरु बजारमा आएका छन् ।
नयाँ पुस्ताले विद्युतिय पालाको प्रयोग गर्ने गरेको भएपनि अघिल्लो पुस्ताले भने माटाका पालामा दियो बाल्ने गर्छन् ।
Discussion about this post