बाँके कार्तिक २९ गते ।
नेपालगन्जको जमुनाह नाकामा मानव बेचविखन तथा ओसारपसार विरुद्ध आज सचेतिकरण कार्यक्रम गरिएको छ ।
शान्ति पुनर्स्थापना गृह र इप्रका जमुनाहको संयुक्त आयोजनामा नाकामा बेचविखन तथा ओसारपसार विरुद्धको सचेतिकरण कार्यक्रम गरिएको शान्ति पुनर्स्थापना गृहका संयोजक निर्मल सुवेदीले जानकारी दिनुभयो ।
कार्यक्रमलाई सम्वोधन गर्दै बाँकेका एसपी श्यामकृष्ण अधिकारीले २१ औं सताब्दीमा मानिसले मानिसलाई बेच्ने कार्य निकै निकृष्ट भएको बताउनुभयो । उहाँले सीमा नाकाबाट हुने मानव तस्करी रोक्नका लागि सबै एक ढिक्का भएर लाग्नु पर्ने बताउनुभयो ।
नेपालगन्ज उपमहानगरपालिकाका महिला तथा बालबालिका शाखा प्रमुख शोभा शाहले मानव बेचविखन र ओसारपसार विरुद्धको अभियानलाई सफल पार्न सबैको भूमिका जरुरी रहेको बताउनुभयो । उहाँले सबैले यो मुद्दालाई प्राथमिकता दिनुपर्ने बताउनुभयो ।
नेपालगन्जको जमुनाह नाका मानवबेचविखन तथा ओसारपसारका लागि प्रयोग हुँदै आएको छ। तस्कर तथा दलालहरुले विभिन्न प्रलोभनमा पारेर मानव बेचविखन गर्ने गरेको अनुसन्धानबाट खुलेको प्रहरी अधिकारीहरु बताउँछन् ।
Discussion about this post