धनगढी पुस ६ गते ।
नेकपा माओवादी केन्द्रले सुदूरपश्चिमको प्रदेश नेतृत्व अझै टुंग्याउन सकेको छैन् । प्रतिनिधि छनौटमा पालिकास्तरबाटै गुट–उपगुटमा बाडिएका कार्यकर्ताहरुका बीच तिब्र ध्रुबिकरण भएपछि नेतृत्वको टुंगो नलागेको हो ।
केही दिनअघि धनगढीमा सम्पन्न प्रदेश सम्मेलनले पदाधिकारी चयनमा सकस हुँदा तत्कालका लागि प्रदेश सदस्य छनौट गरेको थियो । पुष ३ भित्र सहमतिका आधारमा पदाधिकारी चयन गर्ने जनाएपनि अहिलेसम्म टुंगो नलागेको हो ।
माओवादी स्रोतका अनुसार आकांक्षी धेरै भएकाले उनीहरुका बीचमा कुरा नमिल्दा सकस छ । तर, राष्ट्रिय सम्मेलनको तयारी गर्नुपर्ने भएकाले प्रदेश नेतृत्व चयनको समय सारिएको माओवादी केन्द्रका कञ्चनपुर इन्चार्ज देबीलाल चौधरीले दावी गर्नुभयो ।
माओवादी केन्द्रको राष्ट्रिय सम्मेलन पुस ११, १२ र १३ गते तय गरिएको छ ।
ADVERTISEMENT
Discussion about this post