बाँके पुस १२ गते ।
बाँकेको जानकी गाउँपालिकाले नियम विपरीत विद्यालय व्यवस्थापन समिति चयन गर्न थालेपछि उच्च अदालत तुलसीपुर नेपालगन्ज इजलासले रोक लगाएको छ ।
अदालतका न्यायधीश ध्रुवराज नन्द र पुरुषोत्तमप्रसाद ढकालको संयुक्त इजलासले तत्कालका लागि विद्यालय व्यवस्थापन समिति भंग गर्ने र नयाँ नेतृत्व चयन गर्ने कार्य नगर्न पालिकालाई आज आदेश दिएको थियो ।
स्थानीय हिरालाल लोनियाले गएको पुष ५ गते जानकी गाउँपालिकाले नियम विपरीत विद्यालय व्यवस्थापन समिति आफै भंग गर्ने र नयाँ समिति चयन गर्ने कार्य गरेको भन्दै त्यस्लाई रोक्न माग गर्दै मुद्दा हाल्नुभएको थियो ।
आगामी चुनावलाई प्रभावित पार्ने मनसायले गाउँपालिकाका कार्यबहाक अध्यक्षसहितका जनप्रतिनिधिले विद्यालय व्यवस्थापन समितिमा आफ्ना मान्छे चयन गर्न थालेको लोनियाको भनाइ छ । जानकी गाउँपालिकामा २४ वटा विद्यालय र १५ वटा मदरसा रहेका छन् ।
Discussion about this post